Şêniyên bajar û gundewarê Amûdê bi merasîmekê cenazeyê şervana YPJ’ê şehîd Diljîn Mazlûm (Ruha Feysel Hesen) li Pakrewangeha Şehîd Hogir Îsmaîl a bajar spart axê.
Merasîm bi deqeyek rêzgirtinê dest pê kir, piştre endamê Meclisa Malbatên Şehîdan a Amûdê Mihemed Çolî axivî û diyar kir ku şehîdan bi xwîna xwe rêya azadî û rûmetê vekirine û soza şopandina rêya şehîdan da.
Şervana YPJ`ê Adar Heleb jî bal kişand ser cesaret û dilsoziya şehîd Diljîn û da zanîn kir ku fedakariya şervanên jin îradeya jinên azad a ji bo parastina ax û gelê xwe nîşan dide.
Ji rêveberên Kongra Star Newroz Elî di merasîmê de axivî û diyar kir ku şehîd Diljîn mînakek jina berxwedêr bû ku li hember zehmetiyan qet gav paşve neavêt.
Dapîra şehîd Diljîn, Reda Hesen jî destnîşan kir kir ku ew bi şehadeta bi neviya xwe serbilind e û got, ruhê wê dê di dilê malbat û gel de bimîne.
Piştî axaftinan wesîqeya şehadetê ya Diljîn hat xwendin û radestî malbatê hat kirin.
Canazeyê şehîd bi dirûşmên “Şehîd Namirin” bi dawî bû.
Şervana YPJ’ê Diljîn Mezlûm (Ruha Feysel Hesen) 20`ê Çileya îsal (2026) di berxwedana rûmet û hebûnê ya li hemberî êrişên komên hikumeta demkî ya Sûriyeyê de şehîd bû.
