Yekîneyên Jinên Şengalê (YJŞ) bi wesîleya rojbûna 76’an a Rêber Apo daxuyaniyek weşand.
YJŞ’ê diyar kir ku di serî de ew roja 4’ê Nîsanê ku dibe destpêka dîroka ji nûve zayîn, afirandin, vejîn û têkoşîna li hemberî zilmê û koletiyê di serî de li xwediyê vê dîrokê Rêber Apo, jin, cîwan û tevahiya gelê xwe, dîsa li tevahiya mîlîtanên Rêber Apo ku bi fikir û ramanên Rêber Apo xwe afirandine û xwe gîhandine hawara civaka Êzidî û li tevahiya şehîdên xwe yê qehreman û li malbatên şehîda pîroz kir.
YJŞ’ê di dewama daxuyaniya xwe de got: “Weke gelek civakan roja 4’ê Nîsanê ji bo me civaka Êzidî ji wate û cihekê xwe yê bi nirx û pîroz heye. Eger em îro li hemberî her cûre êriş û zordariyên ser civaka me xwe diparêzin, xwe rêxistin dikin, bûne xwedî doz; bi ol, pîrozî, çand û dîroka xwe jiyan dikin, bêgûman ev bi saya fikir û ramanên Rêber Apo pêk hatiye. Jibona wê jî helbet em rojbûna Rêberê Gerdûnî Rêber Apo weke rojbûna xwe digirin dest û dipejirînin.”
Di dewamê de YJŞ’ê qala têkoşîn û ramanê Rêber Apo kir û got: “Rêber Apo bi derketina xwe ve ji roja destpêkirina têkoşîn û berxwedaniya mirovahiyê a gerdûnî heya roja me ya îro xwedî li civaka me derketiye û ji bo parastina nirxê civaka me têkoşiyaye. Di şert û mercên herî zor û zehmet de rûxmê hemû xeteriyên heyî jî bi mezintirîn têkoşiya, berxweda û dîrok ji nû ve bi jîn kir. Bi kûrbûn û zanista xwe ya civakî û dîrokî ve paradîgmaya pêşxiste û bi jiyanîkirina paradîgmaya demokratîk, ekolojîk û azadîxwaziya jinê ve tevahiya civakên xwedî nirxê jiyana azadin li derdora xwe komkir û di kesayeta şehîdan de ev nirx bû çelanga ji agir a li derdora Rêber Apo. Ruhê netewî bilindkir, nasnameya hatî windakirin, zimanê hatî qedexekirin, çanda hatî ber tinebûyînê, nirxên ji dest çûyî yek bi yek carekedin bi zindî ki; hêvî û baweriya jiyana azad nûjen kir. Helbet emê jî jibona xwe vî fikir û ramanî hilbêjêrîn û xwedî li kesayeta azad a di her kêliya jiyana xwe de jibo nirx û azadiya civaka têkoşîn kire derkevin. Jiber ku di kêliya ber kesaretê de yê ku em ji nûve zindîkirin, em kirin xwedî hêz û derfetê li ser ax û çanda xwe jiyankirine da me Rêber Apo bi xwe ye.”
YJŞ’ê bal kişand ser peyama Rêber Apo a ji bo Şengalê serdema Ronesansê destpê kir û got: “Di vî bingehî de di pêvajoya herî dawî de banga Rêber Apo ya ‘Aşîtî û Civaka Demokratîk’, li hemû cîhanê, Rojhilata Navîn û bi teybetî ji li herêmê bandorekê pir mezin avakir. Di vê xalê de carekedinê tevahiya mirovahiyê şahidiya hêza Rêber Apo kirin. Taybet Rêbertî ji bo Şengalê serdema ronesansê pênasekirina wê ji bo me dibe merhaleyek nû. Ji xwe di erdnîgariya me de çawa Apocî gava xwe avête ew berhemên dîrokî ya cewherê Êzdatî temsîl dikire di bin lepê dagirkeriyê de nefesek kişand, ji nû ve vejîn bu û ji ew demê şunde dema ronesansa Êzîdî despêkir. Niha jî ev gotina rêbertî ji bo me hemûyan dibe perspektîfa pêşerojê, dibe bingeha armanc û hedefên me. Li ser vê esasî em gotina ronesansa Êzîdiya dikin taca serê xwe û dikin erk û berpirsiyariya xwe.
Ji bo wê jî emê di her kêliya jiyan û têkoşîna xwe de Rêber Apo jibona xwe weke hêz û îradeya serkeftinê û jiyana azad esas bigirin. Bi xebat û têkoşîna xwe ya daye destpêkirin di serî de bi xebata xwe a azadî û rizgariya jinê ve têkoşîna azadiya gelan pêşxiste, gerdûnîkire û bûye Rêbereke Azad ê Gerdûnî. Ji bo wê jî bi teybetî jin, ciwan û gel bi heskirin, evînî û baweriyekê pir mezin ve berê xwe didin Rêber Apo û girêdanbûyîna xwe raber dikin. Emê bi saya vî fikir û ramanî teqes bigîhîjin jiyana azad a bi Rêber Apo re azad jiyankirinê. Emê di her kêliya jiyana xwe de bibin şopdarê fikir û ramanên Rêber Apo.
Ser vî esasî em carekedinê roja rojbûna Rêber Apo a ku em jî weke rojbûna xwe digirin dest li Rêber Apo, tevahiya gelê xwe, gelên azadîxwaz, gelên jibo azadiya Rêber Apo têdikoşin û li tevahiya hevalên xwe pîroz dikin.”
