Fermandariya Giştî ya Yekîneyên Parastina Jin (YPJ) bi daxuyaniyekê li ser malpera xwe nasnameya şehîdekê xwe Zeyneb Têkoşîn eşkere kir.
Berfirehiya daxuyaniyê wisa ye:
“Rêber Apo dibêje ‘Dara Şoreşê bi xwînê tê av dan’. Her şoreşek peşengiya qehremanên gelan ve pêk tê. Îro şoreşa Rojavayê Kurdistanê di hemû cihanê de di rengê jina azad ve têşe girtiye. Şoreşa Rojava di hûndirê xwe de ne tenê hebûna Kurd, Erep, Ermen û Durziyan, hebûna hemû gelên azadixwaz hildigre. Ji bo vê pergala Kapîtalîst, Şoreşa jinan ango şoreşa Modernîteya Demokratîk ji xwe re weke xeteriyekî mezin dibîne. Yên ku paradigmaya Rêber APO nasdikin berê xwe didin van xakên ku felsefeya Jin Jiyan Azadî’ jiyanî dibe. Ji ber Rêber Apo jina ku ji hebûna xwe dûrketî bi watekirina felsefîk ya van hevokan de li ser van xakên pîroz ji nuve diafirîne.
Hêzên emperyalîst û yên dagirker ji bo pergala xwe ya kurevî bikaribin li Rojhilata Navin û Kurdistanê saz bikin, hemû mafên gelên bindest û mazlum binpê dikin. Her carê bi navekî cuda lê heman aqlê serdest erîşên bê ser û ber li ser heremên şoreşê de pêktînin. Li beramberî van êrîşan her roj şehîdên me bi berxwedaniyên bê eman destanên azadiyê dinîvisînin. Di êrîşa herî dawi ya ku aliyê hêzên HTŞ û çeteyên dagirker ve Mijdara 2024’an de li ser heremên me de pêkhatî rastî berxwedaniyekê destanî ve hat. Ev konsepta êrîşa dagirker berdevamiya Efrîn û Serêkanî bû. Armanca van hêzan gîştî heremên Rojava û Bakur Rojhilatê Surîyê dagirkirin bû. Lê şervan û fermandarên me yên dilwêrek li beramberî hemû cure êrîşan xeta berxwedanê tercih kirin û teslimiyet ji xwe re qebûl nekirin. Rêhevala me Zeynep Têkoşer jî li xeta Minbicê de ruxmê hemû daxwazên dijmin yên teslimiyetê, ji xwe re xeta berxwedaniyê hilbijart û bû Beritana hemdemî. Rêhevala me bi biryardariyekî mezin ser dijminê xwinxwar de çû. Ruxmê hemû cure êrîşên dagirkeriyê heya fîşeka xwe ya dawi şer kir û gîhişt asta şahadetê. Em serî de malbata rêhevala xwe ya welatparêz û hemû gelê xwe yê dilsozên doza azadiyê re sersaxî dixwazin. Ger îro mina Zeyneban Bêrîtanan remza berxwedaniye nînbûna me nedikaribû li ser van xakên pîroz bi nasnameya xwe ya azad ve şer bikin û jiyan bikin.
Rêhevala me Zeynep Tekoşîn bi nasnav Viyan Xelîl di sala 2004’an de li bajarê evînê Qamişlo dayik dibe. Malbata rêhevala me eslê xwe ji bajarê Mêrdinê yê serhildêr e. Rêhevala me bi çirokên berxwedaniyê bi çanda welatpareziyê tê mezin kirin. Di şexsê qehremanên dilpak de dest bi legerînan dike. Dewletên dagirker bi polîtîkayên qirkirinê re Kurdistan kiriye 4 parçe û sinorên bê wate di navbera bajaran de xêz kirine. Ruxmê van sînoran rêhevala me ji Qamişlo sala 2022’an de berê xwe dide qadên şoreşê û bi têkoşîna xwe ve sinorên bê wate hildiweşîne. Di nava Şoreşa Jin de rastiya dijminê xwe nasdike. Di van berxwedaniyên bê eman de gelek peşengên şoreşê nasdike û dixwaze xewn û xeyalên wan bi têkoşîna xwe ve xwedî derbikeve. Her ku diçe felsefeya Rêbertî de xwe kur dike. Li ser nasnameya jina azad lêhûrbûn dike û dixwaze xwe ewe ku xwe bigehinê pîvanên jina azad. Ji bo vê gelek xebatan de bi dilsozi cih digre. Ew bi ramanên Rêber Apo her roj û kelî kesayet û jiyana xwe dihûne. Bi dîtina perwerdeyên bîrdozî û leşgerî ve dibe xwedî kesayetekî şeraza. Her wiha ezmûnên mezin qezenç dike. Di nava hevreyên xwe de erka peşengtiyê hildigre. Bi pêşniyar û daxwaza xwe ve ruxmê temenê xwe yê ciwan, gelek pengavên şoreşgeri de cih digre. Di demekî pir kin de xwe digihîne asta kesayetekî têrker. Dema dewleta Tirk û çeteyên wê ji bo dagirkeriyê berê xwe dan bajarê Minbicê rastê berxwedaniya fermandar û şervanên azadiyê hatin. Di nava vî şerê dijwar de rehevala me Zeynep ruxmê ku hevala xwe ya têkoşînê Nesrîn Çiya re giran birindar jî dibin heya fîşeka xwe ya dawiyê şer dikin. Em deyndarê kesayeten wiha giranbûhane ku weke jin îro bê rawestan em dikarin têkoşîna azadiyê domdar bikin.
Em jî weke hevreyên van hevalan dubare girêdana xwe ya bi şehîdan re bi bîrt înin û em dibêjin şehîdên me bê mirin in û têkoşîna wan her yê domdar bibe. Heya em negehijin xewn û xeyalan wan em ê dev ji têkoşîna azadiyê bernedin. Em dubare soz û girêdana xwe ya bi şehîdan re bi dilsoz re tînin ziman û em dibêjin şehîdên me wê di têkoşîna me de her tim jiyan bikin.”
Nasnameya şehîd wiha ye:
Nasnav: Zeynep Têkoşîn
Nav û paşnav: Vîyan Xelîl
Navê dayik: Leyla
Navê bav: Tewfîq
Dîroka şehadetê: 08/12/2024
“
