Bîlançoya erdheja roja Sêşemê ya li Girava Kyuşu ya li başûrrojavayê Japonyayê giran dibe. Serokwezîr Sanae Takaichi anî ziman ku hejmara qurbaniyên ji ber erdhejê gihîştiye 30 kesî.
Rayedaran li bajarê Kumamoto xwe gihandin cenazeyê 4 kesan ku di binê enqaza avahiyên bazarê de mabûn. Hate ragihandin ku ji bo lêgerîn û rizgarkirina kesên di binê enqazê de mane kar dewam dikin.
Heta sibeha Pêncşemê li herêmê 22 hezar û 670 xanî û navend bê elektrîk man, av li 84 hezar xaniyan qut bû. Rayedar li bendê ne ku dawiya hefteyê pileya germahiyê li herêmê bigihêje 38 pileyî. Di dîmenên televîzyonê de tê dîtin ku xelkê herêmê ji bo peydakirina sotemenî û ava vexwarinê ketine rêzên dirêj.
