Ayşegul Dogan diyar kir ku Pêvajoya Aştî û Civaka Demokratîk ji bo Tirkiyeyê ji bo aştiyê derfetê pêşkêş dike û anî ziman ku ji bo ku ev pêvajo mayînde bibe, pêwîstî bi misogerkirina qanûnî û rêziknameyên demokratîk hene.
NEXŞERÊ BI ZELALÎ HOLÊ YE
Berdevka DEM Partiyê diyar kir ku heke pêvajoya civakî, zelal û vekirî neyê meşandin wê bi ser nekeve.
Ayşegul Dogan helwesta zelal a DEM Partiyêji bo aştiyê dubare kir û diyar kir ku divê siyaset ne dijberî be, yekgirtî be û wiha got:
“Li şûna celadên berê bên nîqaşkirin, werin em ji bo avakirina aştiyek bi rûmet tevbigerin. Nexşerê eşkere ye, tiştên ku heta niha hatine kirin têk çûne ûev bi me hemûyan daye windakirin. Divê em êdî dem winda nekin.”
BANGA JI BO GIRTEKAN
Ayşegul Dogan li ser nîqaşên Îmraliyê axivî û diyar kir ku divê pêvajo ji spekulasyonan re vekirî neyê hiştin û wiha domand:
“Hemû guhdarkirinên komîsyonê yên ku heta niha kirin, em dikarin bi awayekî vekirî li ser malpera meclisê bibînin. Sê endam çûn Girava Îmraliyê û birêz Ocalan re hevdîtin kirin. Divê girtekên ku ji hêla her sê endaman ve hatine îmzekirin bi eşkereyî di komîsyonê de werin xwendin. Divê tiştek veşartî nemîne.”
EM DI DILÊ WERÇERXA DÎROKÎ DE NE
Ayşegul Dogan bi bîr xist ku pêvajo ketiye qonaxa duyemîn û anî ziman ku divê hemû partiyên siyasî ji bo demokratîkbûnê helwesteke hevpar pêş bixin.
Ayşegul Dogan got, “Em ji bo qonaxa duyemîn di dilê werçerxa dîrokî de ne. Divê hemû partiyên siyasî ji niha û pê ve ji bo demokratîkbûnê bi hev re bixebitin. Divê em li ser van mijarên ku hemû Tirkiyeyê eleqedar dikin helwestek hevpar diyar bikin. Divê ev helwest bi awayekî bêveger were destnîşankirin. Divê em ji bo edalet, demokrasî , xwişk-biratiya û wekheviyê vê rewşa bêveger bi biryardarî û wêrekiya siyasî îfade bikin.”
PAKÊTA DARAZÊ Û BUDÇE
Ayşegul Dogan bal kişand ser 11’emîn Pakêta Darazê ya ku azadiya ramanê sînordar dike û got, “Divê rêziknameyên ku azadiya raman û rêxistinbûnê berfireh dikin werin çêkirin.” Ayşegul Digan diyar kir ku budçeya 2026’an xizaniyê çareser nake û pêdiviyên karker, ciwan, jin û teqawîdbûyan pêk naye.
KONFERANSA NAVNETEWEYÎ
Ayşegul Dogan derbarê Konferansa Aştî û Demokrasiyê ya Navneteweyî ya ku dê ji aliyê DEM Partiyê ve were lidarxistin de axivî û diyar kir ku divê astengiyên siyasî yên ku rê li ber beşdarbûna Îlham Ehmed û Mazlum Ebdî digirin werin rakirin. Berdevka DEM Partiyê wiha dawî li axaftina xwe anî: “Mijarên ku li Fransa û Emerîkayê têne nîqaşkirin divê li cihên wê yên esas werin nîqaşkirin. Em baş dizanin ku rewşa ku wekî astengiyeke qanûnî tê binavkirin, rewşeke siyasî ye. Ne tenê birêz Îlham Ehmed, di heman demê de divê birêz Mazlum Ebdî karibin werin û biaxivin.”
