Organîzetorên karwana alîkariyên mirovî ya ji bo bajarê Kobanê daxuyand ku desthilatên dewleta Tirk rê nedan ku karwan derbasî Kobanê bibe û ji nû ve vegerandin bajarê Amedê.
Karwana alîkariyan a ji bo Kobanê roja şemiyê ji Amedê ketibû rê. Karwan ji 25 TIRˊên av, şîrê zarokan û betaniyan pêk dihat, ku bigihînin şêniyên ji ber êrişên dawî yên komên hikumeta demkî li dijî Rojava-Bakur û Rojhilatê Sûriyeyê reviyane Kobanê.
Organîzetoran diyar kir ku TIRˊên alîkariyê li ber deriyê Pirsûsê yê li beramber Kobanê sekinîbûn û li bendê bûn derbas bibin, lê daxwaznameya wan hat redkirin.
