Navenda Mafên Mirovan ya Îranê têkildarî rewşa jinên girtî yên di girtîgehên Îranê de raporek belav kir. Di raporê de hatiye gotin ku rejîma Îranê di girtîgehan de li jinên ku çalakvanên sivîlin, siyasî û ji pêkhateyên olî ne, êşkenceya derûnî dike û wana di rewşek ne zelal de li girtîgehan de radigre.
Di raporê de hatiye diyarkirin ku Supayê Pasdaran zêdetirî 70 rojin du xwişkên ji baweriya Behayî ne yên bi navên Mehsa û Mandana Stude li bajarê Şîrazê hatine girtin û heta niha jî ti agahiyek li ser wan nayê zanîn. Her wiha rê nayê dayîn li gel parêzer û malbata xwe hevdîtinê bikin.
Her wiha hatiye eşkerekirin ku girtiya siyasî ya bi navê Erxewan Felahî nêzî 500 rojin di girtîgeha Evîn de tê ragirtin. Hatiye gotin ku tevî çend caran hatiye dadgehkirin jî lê hîna jî cezayê wê nehatiye diyarkirin.
Di raportê de hatiye diyarkirin ku li bajarê Meşhed jî jina şêwekar a bi navê Suheyla Husênî piştî 82 rojan di girtîgeha Wekîlawa de hat hiştin, ji bo jora take kesî ya girtîgehê hatiye veguhestin. Hatiye gotin ku Suheyla ji ber di dema xwepêşandanên dema dawî de alîkariya xwepêşanderên birîndar kiriye, bi tometa karanîna înterneta starlîkê hatiye girtin û ji mafê hevdîtina li gel parêzeran hatiye bêparhiştin.
