Di peyama nivîskî de hate ragihandin ku cejn ji bo ji bo mezinkirina aştiya civakî rojên girîng e.
Di daxuyaniyê de işaret bi polîtîkayên mezhebperestî û gefên li ser gelê Elewî yê li Sûriyeyê hate kirin û fikarên ji ber êrişên li ser navendên bavweriyan ên weke tirbên Duzgun Baba û Elîf Ana hate parvekirin.
Her wiha hate gotin, li gel vê yekê bi JES û projeyên weke wê hewl tê dayin ku cografya û qada jiyanê ya Elewiyan bê tinekirin û hate ragihandin ku cejna rasteqîn jiyana azad, wekhev û aram a gelan e.
FEDA û DAKB’ê diyar kirin ku zextên li ser CHP’ê nayênq ebûlkirin û bang li saziyên demokratîk, gel, jinan û muxalefeta civakî kirin ku hîn bi xurtî xwedî li daxwaza aştiyê derkevin.
Di dawiya peyamê de hate gotin, “Li gel hemû zext û polîtîkayên fenê jî di vê cejnê de em careke din dibêjin, em ‘aştiyeke demokratîk û bi rûmet’ dixwazin. Ji ber ku cejna rasteqîn ne tenê ew cejn e ku di teqwîman de tê pîrozkirin. Cejna rasteqîn avakirina pergaleke civakî ye ku gel bi rengekî wekhev, azad û xwişk û biratiyê bi hev re bijîn.
Ji bo pîrozkirina cejnê di nava aştiyê de em bang li gelan dikin ku piştgiriyê bidin têkoşîna aştiyê.”
