Qezaya trenê ya ku sihara sêşemê li Buggenhout qewimî, li Belçîkayê bû sedema şînê. Servîseke dibistanê li trenê ket û di encamê de parçe bû. Di qezayê de 4 kesan jiyana xwe ji dest dan, 5 zarok bi giranî birîndar bûn.
Rayedaran ragihand ku kesên jiyana xwe ji dest dane du zarokên 12 û 15 salî, ajokarê servîsê û rehberê di wesayîtê de ne. Wezîrê Gihandinê Jean-Luc Crucke daxuyanî da û destnîşan kir ku dema qeza çêbûyî, rêya hemzemîn girtî bû.
Crucke yê ji RTL’ê re axivî, ev tişt got, “Dîmenên ku nîşan didin rêya derbasbûnê girtî ye, di destê me de ne.” Şîrketa binesaziya rêya hesin Infrabel jî ragihand ku bariyer girtî ne û ronahiyên hişyariyê, sor bûn.
DOZGERIYÊ LÊPIRSÎN DA DESTPÊKIRIN
Berdevka Dozgeriyê Lisa De Wilde ragihand ku piştî bûyerê, lêpirsîn hate vekirin.
De Wilde ev tişt got, “Bîlanço pir giran e. Ji bo diyarkirina sedemên qezayê, pisporê otomotîv hate erkdarkirin.”
