Bîranînên ji bo cangoriyên têkoşîna azadiyê ya Kurd li bajarên cuda dewam dikin.
MERSÎN
Bîranîn li Mersînê bi pêşengiya Komeleya Çand, Yekîtî, Piştevanî, Alîkariya bi Malbatên Xizmên xwe Windakirine ya li Dergûşa Şaristaniyan (MEBYA-DER) li mala taziyeyê ya Guneş a li navçeya Akdenîzê hate lidarxistin.
Li mala taziyeyê pankartên bi nivîsa “Şehîdên me rûmeta me ne”, “Em şehîdên azadiyê bi bîr tînin” û “Şehîd namirin” hatin daliqandin.
Maseyên ku ji bo bîranînê hatin amadekirin bi flamayên ji rengê kesk, sor û zer hatin xemilandin û qurfelînên sor li dora wêneyên şehîdan û Rêber Apo hate danîn.
EDENE
Li Edeneyê bi pêşengiya Komeleya Piştevanî û Alîkariya bi Malbatên Xizmên xwe Winda kirine ya Akdenîzê, li mala taziyeyê ya Ova ya li navçeya Seyhanê bîranîn hate lidarxistin.
Maseya ji wêneyên Rêber Apo û şehîdan bi rengên kesk, sor û zer û qurnefîlan hate xemilandin.
HATAY
Li navçeya Dortyol a Hatayê jî ji bo şehîd Hesen Bîndal (Edîp Sirça) li mala malbata wî taziye hate danîn.
Malbat û xizmên Bîndal, nûnerên partiyên siyasî û rêxistinên civakî yên sivîl beşdarî bîranînê bûn.
Tê payin ku bîranîn di rojên pêş de li bajarên cuda dewam bike.
