Komîsyona Hilbijartinê ya Navendî ya Bulgaristanê bi hejmartina sedî 95,29’ê dengan encamên demkî ragihand, li gorî van encaman Yotova û namzetê cîgirê serokkomar Kiril Valchev 506 hezar û 628 deng wergirtin. Gyurov û alîkarê wî Georgi Kandev jî 469 hezar û 143 deng wergirtin.
Lîderê Partiya Vizrajdane (Jinûve Jidayikbûnê) Kostadin Kostadinov ê alîgirê Rûsyayê jî, bi sedî 12,64’ê dengan di rêza sêyem de cih girt.
Di hilbijartinê de tevlîbûna kêm bal kişand. Li gorî texmînên di roja hilbijartinê de hatine weşandin, tevlîbûna hilbijartinê ji sedî 22 bû.
Di kampanyaya hilbijartinê de şerê Ûkraynayê, êrîşên balafirên bêmirov ên li hemberî keştiyên bazarî yên li Behra Reş, fiyatên enerjiyê û enflasyon derket pêş.
Ji ber ku di tûra ewilî de ti namzetan piraniya dengên pêwîst bi dest nexist, wê 1’ê Mijdarê car din hilbijartin bên kirin.
