Înîsiyatîfa Gelê Şoreşger di daxuyaniya xwe de ev yek anîn ziman:
‘’Weke Înîsiyatîfa Gelê Şoreşger em dubare bi awayekî eşkere hişyariyê didin Zeynel Îpek ê a niha Serokatiya Şaredariya Qoserê bi neheqî xesp dike; Xwediyê vî erkî ne tu yî! Gelê Qoserê ye!
Parastina nirxên ku gelê me yê welatparêz bi keda xwe, bedêlan û fedekariya xwe ava kirine; sereketirîn mafê gelê me e ku ev gel bi exlaqî, bi awayekî rastîn xwedî li rêveberiya demokratîk derdikeve û bi rûmeta xwe li ber xwe dide.
Bila were zanîn; Tu kesên hatine hilbijartin, nikarin heya heyayê xwe bispêre parêzbendiyeke bêdawî! Di demokrasiyê de erk demkî ye; tişta mayînde îradeya gel e. Israra li dijî vê yekê tê wateya desteserkirina ked, deng û baweriya gel e. Meqameke ku ji hewl, ked û dengê gel pêk tê; tevî gel jî dagirkirina wê îxaneta li hemberî emenatê û diziyeke eşkere ye. Ev kursî ne milkê te yê şexsî ye. Ne milkê bavê te ye ne jî îmtiyazeke ku hatiye bexşandin. Gel ev erk emanetê te kir; tu roja îroyîn wê emanetê qirêj dikî û ji lêvegerandina wê direvî.
Em bi awayekî eşkere îlan dikin:
• Tevî gel tu nikarî li ser wê kursiyê bimînî! Tu nikarî bibî efendiyê gel, tu bes dikarî bibî wekîlekî demkî. Wekalet bi dawî bû! Rewabûn bi dawî bû! Te bawerî nehişt!
• Rewabûna te ya exlaqî, wijdanî û siyasî bi tememî hilweşiya. Kesek yan jî rêveberiyeke ku ku exlaqê xwe ji dest dide, nikare pirsgirêkan çareser bike; ji ber ku tu bi xwe pirsgirêk î.
• Kirina sûc û girêdayî vê yekê revîna ji gel tirsonektî ye.
Îstîfakirin êdî ne ‘’bijardeyeke exlaqî ye’’; mecbûriyeteke qanûnî, siyasî û civakî ye. Tu çend bi vê rûreşiyê xwe bi kursiyê ve girê bidî, wê hêrsa gel jî ew qasî mezin bibe. Ji ber ku gel bêdeng namîne û wê hesabê wê bipirse.
Ev hişyariya me ya dawîn e: Li gorî biryara gel tev bigere, berpirsiyariya xwe bi cih bîne û demildest dev ji erkê xwe berdin!’’
