Sîstem li giravên Mezar a Mezin, Mezar a Biçûk û Ebû Mûsa yên li nêzî Kendava Hurmuzê hate bicihkirin ku rêgeheke deryayî ye û yek ji pênc parên petrola cîhanê jê derbas dibe.
Ev girav di bin kontrola Îranê de ye, lê Mîrnişînên Ereb ên Yekbûyî jî îdîa dike ku mafê wan li ser wan giravan heye û ji ber vê yekê jî nakokî li herêmê heye.
Fermandarê Hêzên Deryayî yên Muxafizên Şoreşê Alîriza Tengsîrî got, “Taktîka me ew e ku em van giravan bi çek bikin” û “Veguherînin asta operasyonê.”
Tengsîrî ji televîzyona dewletê re axivî û got, “Em xwedî wê kapasîteyê ne ku li baregeh, keştî û cebilxaneyên dijmin ên li herêmê bixin.”
