Li gorî 2 biryarnameyên dawîn ên ji hêla Şaredariya Gel a Taxên Şêxmeqsûd û Eşrefiyê ve hatin dayîn ên bi hejmarên 16-17ˋan, şaredariya xebata jenetorên kehrebê bi roj daxistiye 6 saetan û bi şev jî daxistiye 3 saetan.
Îro her du biryarname ketin pratîkê. Li gorî wê bi sibehê jenetor saet 11.00ˋan heta 18.00ˊan, bi şev ji 18.00ˊan heta bi 21.00ˊan dixebitin.
Hevseroka Şaredariya Gel Emîne Beyrem diyar kir ku sedema kêmkirina saetên xebata jenetoran kêmbûna sotemeniyê ye. Emîne aşkera kir ku li gel peymana dawî ya vekirina rêyan jî, lê rê nayê dayîn sotemenî derbas bibe.
Berê jî Fermandara Hêzên Ewlekariya Hundirîn ên taxên Şêxmeqsûd û Eşrefiyê Elîf Mihemed gotibû ku li gorî lihevkirina bi hikumeta veguhêz a Sûriyeyê re divê hemû rê werin vekirin.
Emîne Bêrem got ku li herdu taxan zêdetirî 120 jeneretorên kehrebeyê hene. Lê ger hikumet di qedexekirina derbasbûnê de bidome, gengaz e jenetor bisekinin û wê bi xwe re gelek pirsgirêkên jiyanî bîne.
