Ozgur Ozel ê ku bi biryara dadgehê Kemal Kiliçdaroglu li şûna wî hatî tayînkirin, piştî civîna duh a MYK’ê Desteya Rêveberiyê ya Ofîsa Namzetê Serokkomariyê li Meclîsê kom kir. Di civînê de piştî biryara “bêhukmiya teqez” nexşerêya Ozel û rêveberiya wî hate nirxandin.
Ozel piştî civînê bersiva pirsên rojnamevanan da û ragihand ku ji bo kongreya asayî delegeyan dest bi komkirina îmzeyan kir. Serokê Giştî yê CHP’ê Ozgur Ozel got, “Bi rengekî bi lez ji hemû Tirkiyeyê îmze tên girtin. Hîna parlamenterên me neketine pêvajoya îmze dayînê. Destpêkê em ê îmzeyên rêxistina xwe kom bikin… Pêdivî bi zêdeyî 550 îmzeyan heye. Ev hejmar wê pir zû were komkirin.”
