Kongreya Civakên Demokratîk a Kurdistaniyên li Ewropayê (KCDK-E) têkildarî Cejna Çarşema Serê Nîsanê ya civaka Êzidî daxuyaniyek da û ragihand ku cejn tê wateya aştî, xwişk-biratî û jinûve vejînê. Di daxuyaniyê de işraet bi zor û zehmetiyên li pêşiya civaka Êzidî hate kirin û hate ragihandin ku hêviya wan ew e ku civaka Êzidî bibin xwedî paşerojeke ji jiyaneke azad a bi nasname û baweriya xwe.
Di daxuyaniyê de hate gotin, “Li cografya Rojhilata Navîn di herikîna dîrokê de gelek cejnên pîroz ên civakan û gelan çêbûn. Yek ji van jî cejna Çarşema Sor a a pîroz a civaka Kurdên Êzidî ye.
Cejna Çarşema Sor ku îsal li 8’ê Nîsanê roja Çarşemê rast hat, ku tê wateya mizgîniya rojên bedew ên sala nû û jinûve geşbûna xwezayê, rojeek taybet e ku tê de hêviya xwişk-biratî û aştî tê kirin.
Benikên bi rengê kes, sor û zer têne hûnandin jiyanê temsîl dikin, li gorî baweriya Êzidiyan nîşaneya jiyanê û aştiyê ye. Bawer dikin ku tenduristî, bereket û aştiyê bi xwe re tîne. Her wiha baweriya xwe bi wê tînin ku di vê cejnê de divê xwîn neyê rijandin û zerar li zindiyekî neyê kirin.
Ji ber şer û nearamiya salên dawî ya li herêmê civaka Êzidî di pêvajoyeke zehmet re derbas dibe. Di van rojên zehmet de êrişên li ser gelê Êzidî û dramên mirovahiyê rû didin.
Bi navê KCDK-E’yê em hêvî dikin ku civaka Kurd a Êzidî ku yek ji civakên herî qedîm ên Rojhilata Navîn e bibin xwedî wan rojan ku karibin bi nasname, bawerî û cejnên xwe bi rengekî azad bijîn. Avakirina paşerojeke bi hêvî, aştiyane û ewlehiyê ya civaka Êzidî li ser xaka xwe ya qedîm daxwaz û hêviya me ya herî mezin e.
Bila Çarşema Sor ji bo gelê Êzidî û tevahiya mirovahiyê bibe wesîleya aştî, jinûve vejîn û xwişk û biratiyê.”
