Îro li bajarê Kobanê Pêşangeha Wênexêziyê ya 7’emîn li Navenda Çand û Hunerê ya Baqî Xido dest pê kir. Pêşengeha ku her sal tê lidarxistin, îsal bi tevlîbûna 17 şêwekaran pêk hat û wê 2 rojan bidome. Her wiha 50 tabloyên ku neqşên cihêreng, ji kesên navdar yên çanda Kurdî, rûyê dayîk, bendewarî, şehîd û hwd di nava xwe de dihewîne, hatin pêşkêşkirin.
Mamoste û şêwekarên di pêşengehê de ji ANF`ê re axivîn û gotin ku çanda Kurdîtî di nava tabloyên wan de karê bingehîn e.
Şêwekara bi navê Cîhan Şahîn ku wiha behsa tabloyên xwe dike ku sê şehîd Bavê Teyar û şehîd Ehmed Omer û şehîd Ciwanê Kurd e neqişandiye: “ Ev pêşengeha me li ser pêvajoya dawî bû. Min jî şehîd neqiş kirin. Ji lewra jî ez bi hestekî bi bandor li ser wan tabloyan xêz dikim û min hemû parçe di tabloyê xwe de kirin yek.
Cîhan dibêje ku di şert û mercên cuda de li parçeyekî Kurdistanê çi bibe, tevahî Kurd li her çar parçeyan dibin yek û got di tabloyên wê de jî wiha ye û got: “ Kurdistan dibe yek parçe di her şert û mercê de. Min di her wêneyê de ew bi bîr dianî. Ez bi hêvî me ku em di demên pêş de her bi tabloyên cihêreng şehîd û pêşengeha xwe dewlemend bikin.”
Mamosteya Beşa wêne Emîne Hisên jî ku him bi tabloyên xwe beşdar bûye û him jî mamosteya beşa wêne ye got ku ew her sal vê pêşengehê li dar dixin û her sal bi beşên cuda ji gel re û raya giştî re nîşan dikin ku çanda Kurdî pir dewlemende. Hisên got: “Em her sal bi tabloyên cihêreng beşdar dibin. Armanca me jî pêşketina asta şêwekariyê ye bi taybet jî ji bo zarokan e. “
Pêşengeh diyarî malbata şehîd Ziyad Heleb hat kirin. Hêjayî bi bîrxistinê ye ku dê sibê jî pêşengeha wêneyan berdewam bike.
