Panel di 10’ê Kanûnê de di navbera saet 15:00 û 18:00’an de li Bezirkszentralbibiliothek Pablo Neruda a Berlînê hat lidar xistin.
Panel di Roja Mafên Mirovan a Cîhanê de hat lidar xistin. Di panelê de li ser mafên jin, avakirina aştiyê û tecrûbeyên jinên koçber bi taybetî yên li herêmên şer nîqaş hatin meşandin.
Di beşa ewil a panelê de, rewşa aktivîstên jin ên ji erdnîgariyên cuda hate destgirtin.
Mîtra Hashemî ji Efganîstanê, Sarya Demîr ji Kurdistanê, Nora Rageb ji Filîstînê û Magda El Sayed ji Sûdanê têkoşînên jinan li herêmên xwe û binpêkirinên mafên mirovan ên ku jin rastî wan hatine vegotin.
Di beşa duyem de, nîqaşek li ser “Fishbowl” hate kirin. Di nîqaşan de hate destnîşan kirin ku aştî ne tenê dawiya şer e, aştiya mayînde heta tundiya baviksalar û newekheviyên avahisaziyê ranebe, pêkan nayê.
Di panelê de, her wiha li ser rola bingehîn a jinan di pêvajoyên aştiyê de, îmkanên hevgirtinê di navbera jinên dîasporayê yên li Elmanyayê de û çawa rêxistinên jin ên koçber dikarin bi hev re bixebitin, nîqaş hatin kirin.
Armanca panelê ew bû ku têkiliyên têkoşîna aştiyê, bi berhevkirina tecrûbe û analîzên jinên ji herêmên cuda û cîhanê xurtkirine.
