Midûriyeta Çandiniyê ya Parêzgeha Hesekê rapora şewatên li zeviyên çandiniyê bûne weşand.
Li gorî raporê ji destpêka mewsimê çinînê heya 5’ê Tîrmeha 2026’an 24 hezar û 144 donim erdên çandiniyê şewitîne û zerar li alavên çandiniyê û darên berhemdar bûne.
Di raporê de der barê şewatan de ev agahî hatin parvkirin, 18 hezar û 909 donim zeviyên genim, 2 hezar û 758 donim ceh, hezar û 713 donim reşreşik, 380 donim nîsik, 308 donim gijnîj, 20 donim culeban (Bazêla berî), 22 donim ful, 8 donim sebze û 6 donim zeviyê pembo şewitîne.
Di raporê de hatiye destnîşan kir ku ji zeviyên genim 7 hezar û 330 erdên avî û 11 hezar û 579 donim ê bejî şewitîn.
Ceh: 71 donim ê avî û 2 hezar û 687 ê bejî şewitîn.
Reşreşik: 20 donimê avî û hezar û 693 donim ê bejî şewitîn.
Nîsk: 50 donimê avê û 330 ê bejî şewitîn.
Gijnîj: 20 donim ê avî û 288 ê bejî şewitîn.
Culeban: 25 donim ê avî şewitî.
Fûl: 22 donim ê avî şewitîn.
Yansûn: 15 donim ê bejî
Sebze: 8 donim
Pembo: 15 donim.
Di raporê de hate diyarkirin ku tevî erdên çandiniyê, xertûmên avê, torên avdanê, avrêjên çandiniyê, rûberên darên zeytûn û tirî, çewalên kayê şewitîn û li bajarokê Girbawî jî patozek bi tîpa “975” şewitî.
