Li herêma Swat a eyaleta Hayber Pahtunhva ya Pakistanê di êrişeke xwekujî de ku li nêzî qereqoleke polîsan hate kirin, herî kêm 14 kes mirin, 22 kes jî birîndar bûn.
Li gorî agahiyên ku rayedarên polîsan dan, êriş di dema xwepêşandaneke şermezarkirinê ya li herêmê de hate kirin. Ji rayedarên polîsên xwecihî Fida Hussain ji AFP’ê re axivî û anî ziman ku êrişkar hewl da bikeve nava qereqola polîsan lê belê li pêşiya qereqolê ji aliyê polîsên wezîfedar ve hate rawestandin. Hussain ragihand ku li ser vê yekê êrişkar êlekê xwekujî teqand.
Rayedaran diyar kirin ku di nava kesên jiyana xwe ji dest dan çar polîs hene û rewşa heft ji birîndaran giran e.
Heta niha kesî berpirsyariya êrişê li xwe negirtiye. Rêxistina Talîban a Pakistanê (Tehrîk-e Talîban Pakistan – TTP) li eyaleta Hayber Pahtunhvayê liv û tevgera xwe zêde kiriye.
Berdevkê artêşa Pakistanê diyar kir ku sala dawî di êrişên komên çekdar ên Îslamî û operasyonên ewlekariyê de wezîfedarkên ewlekariyê û sivîl jî di nav de bi giştî 819 kesan jiyana xwe ji dest dan.
