Danişîna 2’yemîn a derhênerê belgefîlma Bakur a ku di sala 2015’an de hatibû weşandin, Koray Kesîk li 2’yemîn Dadgeha Cezayê Giran a Êlihê hat dîtin. Komeleya Lêkolînên Medya û Hiqûqê (MLSA) ku parastina Kesîk kir, yek ji parêzerê MLSA’yê Emîne Ozhasar beşdarî rûniştinê bû.
Dozger nêrîna xwe li ser bingeha dozê pêşkêş kir û daxwaz kir ku Kesîk were cezakirin. Dozger kişandina belgefîlma Bakur, hevpeyvînên ku di belgefîlmê de hatine kirin, pirtûka “Nîşeyên Bakur” a ku li mala Kesîk hatiye dîtin û parvekirinên wî yên li ser medyaya dîjîtal wekî delîlên sûcdariyan pêşkêş kir.
Parêzer Emîne Ozhasar di parastina muwekîlê xwe de diyar kir ku Kesik derhênerekî serbixwe û serbest e û got, “Muwekîlê min di vê belgefîlmê de ji bo şahidiya dîrokê bike di nav de cih girtiye. Belgefîlma Bakur di dema pêvajoya aştiyê de hatiye kişandin. Ji ber ku ew derhênerekî xwedî ezmûn e, ev pêşniyar ji wî re hat û wî di nava tîma teknîkê de cih girt.”
Ozhasar anî ziman ku pirtûka “Nîşeyên Belgefîlma Bakur” a ku li mala Kesîk hatiye dîtin ne ya muwekîlê wê ye û got, “Li gorî qanûnê, hebûna wê jî ne sûc e” û daxwaza beraetê kir.
Şandeya dadgehê bi tawanbariya “propagandaya rêxistinê kiriye” bi 2 sal û 6 meh ceza li derhênerê belgefîlma Bakur Koray Kesîk birî. Dadgehê ceza kêm kir û daxist 2 sal û mehekê.
