Tevgera Azadiya Jinên Êzidî (TAJÊ) bi boneya 4’ê Nîsanê rojbûna Rêber Apo li aliyê Şemal û Qibleta Şengalê du semînerên cûda dan. Semînera aliyê Şemal li avahiya Meclisa Gel a Digûrê û ya Şengalê jî li meclîsa gel hate dayîn. Hemû sazî û pêkhateya Meclîsa Gel a Şengalê tevlî herdu semîneran bûn.
Xelkê tevlî semînerê bûn eleqeyeke taybet ji danasîna jiyan û têkoşîna Rêber Apo re dan.
Jinên tevlî semînera Digûrê bûn li hewşa meclisa gel bi navê hemû girseyê şitlek çandin. Piştî çandina dar di derî de jin ji bo gel û zarokan şekrok û şîrînî dan. Li hindir jî wêneyên Rêber Apo hatin danîn û çira ku li gel Êzidiyan pîroze, hate vêxistin.
Semîner bi deqeyek rêzgirtin ji bo şehîdên têkoşîna azadiyê destpê kir. Paşê Berdevka TAJÊ Riham Hico li ser wateya pîrozkirina 4’ê Nîsanê ji gel re axivî. Riham Hico behsa behsa zarokatiya Rêber Apo, serhildana wî ya li hember kevneperestiyê, wêrekiya wî û têkoşîna ji bo jin û gelan dide kir. Riham Hico dazanîn jinên Êzidî û civak jî ji saya Rêber Apo niha bûne xwedî îradeyeke rêxistinkirî û zana bûne.
Riham Hico xwest gel bi girseyî tevlî şahiya pîrozbahiya 4’ê Nîsanê bibin ku wê li Xanesorê were lidarxistin.’’Riham Hesen jî rojbûna Rêber Apo pîroz kir û got, meha Nîsanê ji ber di baweriya Ezdayetiyê de ‘Kewna gerdûnê’ ye pîroze. Riham Hesen behsa zarokatiya Rêbertî û têkoşîna wî jî kir û wiha axivî: ‘‘Rêber Apo zîndan wergerand akademiyê. Gelek pirtûk li wir nivîsî û ji bo gelê Êzidî jî peyam û name şand. Civaka Êzidî timî di bîra Rêber Apo de ye. Destkeftiyên me yên Şengalê jî bi saya Rêber Apo ye.’’
Semîner bi dirûşmeyên bijî Rêber Apo û tilîliyên jinan bidawî bûn.
