Rewşa welatiyê M.S. ku di 1ˊê Kanûna 2024ˊan de ji hêla çeteyên dewleta Tirk a dagirker hatibû revandin û piştî 42 rojan hatibû berdan, pir xerab e.
M.S’ê bavê 3 zarokan e û temenê wî nêzî 40 salî ye.
Ruxmî pêşkêşkirina tevahî dermankirinên guncaw jî, lê hîna welatî M.S. zehmetiyên giran dikişîne û hêza xwe ji dest daye, roj li pey rojê dihele û nikare tev bigere.
Bijîşkên çavdêriya rewşa M.S. dikin diyar kirin ku birînên li lingên wî heta astekê baş bûne, lê êşkeneceya giran û berdewam hişt ku hêviya şîfaya sînîran winda bibe û rewşa wî bi “mirî” wesîf kirin.
Di êşkenceyê de M.S. di nava tevliheviyên derûnî de ye, heta nikare kesekî jî nas bike, axaftinên wî nayên naskirin, tenê dengê wî di kûratiyê de tê.
Artêşa Tirk a dagirker û çeteyên wê, di dema girtina welatî M.S. de lê zor kir ku li ser tiştekî germ bisekine, wê jî hişt ku şewatên ji pileya 3 di çermên lingê wî de çêbibin, weke ku ew bi zindî were bijartin. Bi birekê tiliyên lingên wî jî hatin qutkirin û 180 caran hatiye qamçîkirin û rêbazên êşkenecekirinê yên curbecur li ser hatine meşandin.
