Armanc ji festîvalê ew e ku civaka Kurd a li bajêr û şêniyên Marsîlyayê bigihîne hev. Di çarçoveya bernameya festîvalê de wê standên ji xwarina mitbexa Kurdan, pêşangeyên wêneyan û qadên ji pirtûkên Kurdî bêne avakirin.
Di bernameya hunerê de jî wê gelek hunermend û kom hebin. Koma Amed, Kawa Ûrmiye, Hozan Amed û Îbo Qamişlo jî di nav de koma zarokan a ZarokMa, koma govendê ya Keçên Rojê û koma rîtmê ya Soul Brasilian wê performansa xwe pêşkêş bikin.
Komîteya Amadekar a Festîvalê ji serdana esnaf û malbatan, bi afîşan û li ser medya dîjîtal banga tevlîbûnê ji bo festîvalê dike.
Di daxuyaniya komîteya amadekar de hate gotin, “Armanca me ya herî girîng ew e ku derdorên berfireh xwedî li festîvalê derkevin û tevlîbûneke xurt lê bikin.”
Festîvala Çanda Kurd a Sînan Dersim wê li bajarê Marsîlyayê li parka Parc du Ravelle La Rosse Newrozê bê lidarxistin.
