Yek ji welatparêzên bi navê Şêx Ehmed Hemo ku di salên 90’yan de Rêber Apo ji nêz ve dîtî, behsa rol, misyon, girîngî û bandora Rêber Apo ya li ser civaka Kurd û hemû civakên bindest kir.
Şêx Ehmed Hemo, destnîşan kir ku her kesê doza azadiyê dike û ji bo parastina gelê xwe li dijî desthilatdarî û zilmê radibe, di bin navê terorê de tên darizandin û cezakirin.
Hemo got, “Rêberê me mîna pêxemberekî ye. Pêxember ew kesên ku projeyên xwe ji bo gelan heye. Ji bo gelê xwe têdikoş in. Rêber Apo di parêznameyên xwe de projeyek ku hemû neteweyan di nava xwe de dihewîne, pêşkêş kir. Tirsa desthilatdariyê ji projeya Netewa Demokratîk heye. Ji ber vê komployek navneteweyî li dijî Rêber Apo pêş xistin. Ew hêzên desthilatdar ên ku ji fikrê Rêber Apo ditirsin, bi hev re bûn alîkar û Rêber Apo dîl girtin. Bi dîlgirtina Rêber Apo re armanc kirin ku doza Kurdan sed sal paşve bibin. Lê berovajî wê, roj bi roj bi hezaran rabûn ser piyan.
Gelek çalakiyên fedaî hatin pêş xistin. Bi dehan kes canê xwe dan ber agir û bi wê agirê re Komplo protesto kirin. Em weke gelê Kurd bi dîlgirtina Rêber Apo re, em jî dîlgirtî ne û bi azadiya Rêber Apo re em jî azad in.
‘MIFTEYA ÇARESERIYÊ RÊBER APO YE’
Hemû, bi bîr xist ku wê ti carî doza Kurd bi dawî nebe û wiha dewam kir, “Mifteya çareseriya tevahî pirsgirêkan li gel Rêber Apo ye. Êdî divê azadiya fîzîkî ya Rêber Apo misoger bibe. Ji bo vê wê têkoşîna me bidome. Êdî dem hatiye û divê em azadiya fîzîkî ya Rêberê xwe pêk bînin.”
