Serokê Giştî yê CHP’ê Ozgur Ozel çû serdana bajarê xwe Manîsayê û Şaredariya Ahmetliyê ziyaret kir. Ozel, piştî serdanê çû serdana avahiya partiya xwe ya navçeyê. Ozel li vir bi gel re axivî û bertek nîşanî tayînkirina qeyûm a li Şaredariya Bajarê Mezin a Wanê da. Ozel got: “Nikare ragire. Patron, gel e. Em ê ji kesên dema gel hildijbêre xwe weke patron dibînin û gel biçûk dibînin hesabê bipirsin. Ez bang li Erdogan dikim, gelê me kî hilbijartibe ew taca serê me ye. Heke tu wiha bikî dê şaxa li ser disekinî bibirî. Tu mecbûrî tehemûla kesên gel hilbijartî bikî. Heke sûcê wan hebe dê ji peywirê bigirî û bihêlî meclisa şaredariyê bi xwe şaredarê nû hilbijêre.
Îro qeyûm tayînî şaredariya Wanê dike. Keko heke sûcek hebe, bila meclisa şaredariyê bi xwe hilbijêre. Heke dema qala cezayê tê kirin hûn xwe li benda biryara dadgehê bigirin, heke teqez bibe û piştre meclisa şaredariyê hilbijêre tiştek nabe. Li şaredariya min a li Stenbolê qeyûm tayîn kirin. Şaredarê Beşîktaşê girtin. Li Şaredariya Pulurê qeyûm tayîn kirin. Ranagire û her tim endamên meclisa şaredariyê digire. Keko ev bû salek ku te kaxiza bêsûciyê daye. Dikare bibe namzet? Te jê re gotiye dikarî bibî. Sûcê wan heye? Tune ye. Temînata min dewlet e. Dema namzet nîşan didim ji dewletê dipirsim.”
