Rojnemevan Rumet Çîlo ji Taxa Şêxmeqsûd a Helebê diyar kir ku niha di van kêlîyan de şer û pevçûnên dijwar didomin û wiha got, ‘’Çeteyên girêdayî Hikumeta demkî îdîa dikin ku tax hemû girtine, lê ev îdîa ne rast e. Li vê derê şervanên Hêzên Ewlekariya hundurin li kêleka gelê xwe bi moral û cesaret bersiva wan çeteyan didin û nahêlin ew çete gav pêş de bavêjin.’’
Rumet Çîlo anî ziman ku niha li Nexweşxaneya Şehîd Xalid Fecir hejmara birîndar û şehîdan zêde ye û got, ‘’Lê çeteyên girêdayî Hikumeta demkî nahêlin Heyva Sor a Kurd derbasî taxê bibe. Aliyekê din jeneratorên elrktrîkê hedef digirin, ji ber wê jî nexweşxane di rewşa giran re derbas dibe. Li taxê çalakiyên fedayî ji aliyê şervanên Hêzên Ewlekariya Hundirîn ve tên kirin. Hêzên Ewlekarîya Hundirîn moral û hêza xwe ji gelê xwe digire.”
Rumet Çîlo bangawaziya gel û şervanên ku niha li taxê li berxwe didin ragihand û got, ‘’Li ser navê gel û şervanên ku niha li şêxmeqsûd şer dikin, li berxwe didin bangawazî dikin ku hemû Kurdên cîhanê ji bo Şêxmeqsûd rabin ser piya, êrîş û qirkinên ku li ser Şêxmeqsûd tên meşandin, red bikin û piştgiriya hêzên xwe bikin.”
Di dawiyê de Rojnemevan Rumet Çîlo diyar kir ku niha di van kêliyan de şer û pevçûn hîn berdewam e û ji ber rewşa elketrîkê înternet tune ye.
