Bi sedan şêniyên bajarê Dirbêsiyê yê kantona Cizîrê cenazeyê akademisyenê Hêzên Xweparastinê şehîd Ebdulwehab li Pakrewangeha Şehîd Rustem Cûdî ya li gundê Berkevirê yê gundewarê Dirbêsiyê veşartin û tev li merasîma xiyabî ya gerîlayê HPGˊê Şevger Dirbêsiyê (Ridwan Osman) bû. Ebdulwehab Xelef di 25ˊê Cotmehê de dema li ser erka xwe li Dirbêsiyê û şehîd Şevger Dirbêsiyê di 19ˊê Tebaxa 2024’an de li Herêmên Parastinê yên Medyayê, şehîd bûbûn.
Di merasîmê de endama rêveber a Meclisa Malbatên Şehîdan a Dirbêsiyê Hewlêr Kobanê sersaxî da malabata her du şehîdan û got ew li ser metoda şehîdên ku di oxira azadî û rûmetê de canê xwe daye, bimeşin.
Endamê Meclisa Leşkerî ya Amûdê jî Omran Orkêş jî got: “Em îro xatirê ji 2 şehîdên xwe dixwazin, yek li qadên fikra azad tê koşiya û jiyana xwe ji bo perwerdeya bi hezaran şervan feda kir û yê din ji lehengên HPGˊê ye ku li hember êrişên dagirkeriya Tirk bi fedakarî têkoşiya.”
Li aliyekî din jî li ser navê malbata şehîd Şevger Dirbêsiyê, xwişka şehîd Raniya Osman axivî û sopa şopandina rêça şehîdan da.
Birayê şehîd Ebdulwehab Xelef, Mihemed Xelef jî got: “Şehîd ji destpêka Şoreşa 19ˊê Tîrmehê ve li qadên perwerdeyê bû û ji têkoşerên destpêkê bi gelê xwe re dilsoz bû.”
Di dawiyê de wesîqeyên her du şehîdan hatin xwendin û radestî malbatên wan hatin kirin.
