Dozgerên Koreya Başûr, daxwaza 30 sal cezayê girtîgehê ji bo Serokê dewletê yê berê Yoon Suk Yeol kirin. Tê îdîakirin ku Yoon bi şandina dronên leşkerî yên ku belavokên propagandayê hilgirtî li ser Pyongyangê paytexta Koreya Bakur hewl daye krîzê derxe.
Li gorî dozgeriyê, Yoon bi rêya vê krîzê armanc dikir ku pevçûnek çekdarî biafirîne û wê wekî hincet bikar bîne da ku rewşa leşkerî îlan bike. Tê îdiakirin ku ev hewldan ewlehiya neteweyî xistiye xeterê û bûye sedema eşkerekirina îstîxbarata leşkerî.
Yoon ê 65 salî berê ji ber hewldana ragihandina rewşa leşkerî di Kanûna 2024’an de û şandina leşkeran bo meclîsê, ji ber “serhildanê” cezayê muebbetê wergirtibû. Di dozek din de jî 5 sal cezayê girtîgehê lê hatibû birîn.
Tevî dorpêça leşkeran a li dora meclîsê jî gelek parlamenter dikevin avahiyê û biryara rewşa leşkerî asteng kirin. Lê belê, vê bûyerê krîzek siyasî ya cidî li welêt çêkir.
Yoon, ku di Nîsana 2025’an de ji kar hate dûrxistin û hîn jî di girtîgehê de ye, li dijî cezayê muebbetê îtîraz kir û di parastina xwe de diyar kir ku wî hemû hewldanên xwe “ji bo berjewendiya welêt” kiriye.
