TEV-ÇAND Ewropayê di daxuyaniya xwe de got: ‘’Meha Adarê ji bo gelê Kurd meha zindîbûna têkoşîna azadî û demokrasiyê ye. Di serî de Cejna Newrozê ya ku jiyana azad îfade dike, Hefteya Lehengiyê ya şehîdên me yên ku afirînerên vê jiyanê ne di vê mehê de cih digirin. Ji bo gelên cîhanê jî 8’ê Adarê Roja Jinên Kedkar ya Cîhanî û Roja Şanoyê ya Cîhanî di heman vê de tên pîrozkirin.’’
Di berdewamiya daxuyaniyê de ev yek hatin gotin: ‘’Her sal 27’ê Adarê weke Roja Şanoyê ya Cîhanî tê pîrozkirin. Di 27’ê Adarê de rol û girîngiya şanoyê ya di nava civakê de ji hemû gavan zêdetir tê nîqaşkirin. 27’ê Adarê ji bo me gelê Kurd xwedî wateyeke gelekî cuda ye. Kesê ku ev wate afirandî Yekta Herekol (Erdogan Kahraman) e. 27’ê Adarê Roja Şanoyê ya Cîhanî di heman demê de roja salvegera şehadeta hevrê Yekta Herekol e. Em weke kedkarên TEV-ÇAND’a Ewropayê bi wesîleya îro di şevsê Şehîd Yekta Herekol de hemû şehîdên têkoşîna azadiyê û hemû şehîdên hunermend bi rêzdarî û minetdarî bi bîr tînin. 27’ê Adarê Roja Şanoyê ya Cîhanî pîroz dikin.
Şehîd Yekta Herekol di 27’ê Adara 2004’an de li bajarê Heleb ê Sûriyeyê bi armanca protestokirina tecrîda li ser Rêbertiya me, êrîşên li ser gelê me yê Rojava û bêhesasiyeta li hemberî van êrîşan bedena xweda ber agir û sekna xwe ya hunermendê şoreşger nîşan da. Şehîd Yekta Herekol ku îfadeya hunerî ya sekna civakî ye ku ji aliyê gelê Kurd û têkoşîna azadiyê ve hatiye afirandin, bi vêçalakiya xwe ya di Roja Şanoyê ya Cîhanî de veguherî sembola xeta hemû çalakiyên me yên çandî û hunerî. Ji ber wê yekê jî erka dikeve berê me hunermend û kedkarên çanda civaka demokratîk ew e ku em mîrateya hevrê Yekta fêm bikin, bidin fêmkirin û bigihînin nifşên nû. Çimkî hevrê Yekta dixwaze em wî fêm bikin. Di nameya xwe de bi awayekî zelal bang li hunermendên Kurd kir. Banga grevê li hunermend û rewşenbîran kir. Hevrê Yekda digot, ‘Em di pêvajoyeke zehmet de lê ewqas jî bi heybet û mezin re derbas dibin. Peywirên girîng hene ku fedekarî û kedeke mezin dixwazin. Divê em xebatên xwe bi hezkirin û azweriyek mezintir hembêz bikin. Ji bo serketina vê pêvajoyê divê rewşenbîr û hunermend xwedî helwesteke rast bin. Şertê yekem gel hez kirine û bi azweriyeke mezin pê ve girêdayî ne. Cidî nêzîkbûne. Ji bo hunermendan sekneke hîn bi coş, hesas û bi dîsîplîn divê, di heman demê de pêwîste xizmetê ji pêşketinê re bike. Ez vê çalakiya şewatê hem bi armanca vexwendina hevrêyên xwe ji bo erkên cidî, lêborînê ji gelê xwe bixwazim, hem jî ji bo silavkirina berxwedana Rêbertî ya li Îmraliyê û Şehîdên Efrîn û Qamişloyê pêk tînim’. Pitşî van gotinên bi wate çalakiya xwe pêk tîne.
Şano ku civakeke biçûk e, jiyanê nîşan dide. Şano ji bo civakê, çalakiyeke azadî, wekhevî û demokratîkbûyînê ye. Zimanê şanoya civaka demokratîk her tim polîtîk e. Mirov nikare ji civakê cihê û qut bigire dest. Şanoya civakparêz bêyî parastina civakê nikare xebatê bimeşîne. Ji bo vê jî divê şanoya me li dijî êrîşên qirkirina çandî xwe ava bike û berxwedaneke çandî biafirîne û gel zana bike.
Bi wesîleya Roja Şanoyê di şexsê Şehîd Yekta de em Şehîd Sarya, Şehîd Hêvî, Şehîd Rêzan, Şehîd Dagistan, Şehîd Osman, Şehîd Cuma Xelîl (Bavê Teyar) de hemû hunermendên şehîd û şehîdên têkoşîna azadiyê bi bîr tînin. Em li dijî jiyana kapîtalîzmê ku mirovan tine dike û jiyana perehebînê, dibêjin şano. Em bang li hemû hunermendan dikin ku ji qirkirina çandî re bibêjin Na û çanda civaka demokratîk xurt bikin.”
