Serokê Dewletên Yekbûyî yên Emerîkayê (DYE) Donald Trump beriya hilbijartinên navberê yên Kongreyê ku wê 3’ê Mijdarê pêk were, sozeke balkêş a aboriyê da hilbijêrên Komarger. Trump diyar kir ku eger partiya wî li Meclîsa Nûneran û Senatoyê serweriya xwe biparêze wê 5 hezar dolarî bide her welatiyekî gihîştî yê DYE’yî.
Trump li kongreya partiya xwe ya li Teksasê axivî û bang li alîgirên xwe kir ku di hilbijartinên pêş de weke ku ew namzet e bifikirin.
Trump got, “Ez ji we dixwazim ku weke ku di pisûleya dengan de ez heme, tevbigerin.”
Piştre jî sozên li ser aboriyê eşkere kir û anî ziman ku eger Komarger li herdu baskên Kongreyê serketî bin, wê “temettu” bide.
Trump got, “Vaye soza min: Eger Komarger li Meclîsa Nûneran û Senatoyê bi ser bikevin, bi saya serketinên me yên aboriyê ez ê 5 hezar dolarî temettu bidim her welatiyekî gihîştî yê li DYE’yê.”
Trump eşkere nekir bê bernameyeke ewçend mezin ji kîjan çavkaniyê fînanse bike.
