Konferansa 2’yemîn ya Komînên Wargeha Penaberan a Şehîd Rûstem Cudî (Mexmûr) bi şîara “Bi ruhê avakirina komîna ber bi civaka komînalîst ya demokratîk ve’ tevlîbûna 200 delegeyî destpê kiribû, bi dawî bû.
Di rûniştina duyemîn ya konferansê de rewşa Rêber Apo, nirxandinên siyasî, nirxandinên rêxistinî û plansaziya xebatên 2 salan hat gotinbêj kirin.
Di konferansê de, rêveberiyên komînên her çar semtên wargehê ku ji hêla gel ve hatibûn hilbijartin, di erê kirina delegeyan ve hatin derbas kirin.
Rêvebirname xwendin û dîsa erê kirina delegeyan re hate derbas kirin.
Hevseroka komîna semta 3 û delegeya konferansê Fatma Bîlen axaftina girtina konferansê kir.
Fatma Bîlen konferansa komînan di serî de li Rêber Apo pîroz kir û got: “Berî her tiştî em konferansa xwe li mîmarê azadiyê Rêber Apo, delegeyan û gelê me pîroz dikin. Li ser esasê biryarên konferansê ku bi îradeya gel hatine girtin emê tevbigerin û ji hemû hevalên ku di vî xebatî de cih girtine re spasiyê xwe dikin û serkeftinê dixwazin.”
Konferans bi berz kirina dirûşmeyên “Bijî Serok Apo”, “Bê Serok Jiyan Nabe” û “Jin Jiyan Azadî” bi dawî bû.
