Li Kampa Penaberan a Şehîd Rûstem Cûdî (Mexmûr), çalakiya nobetê ya ku di 20’ê Tîrmeha 2023’yan de bi daxwaza azadiya fîzîkî ya Rêber Apo hatibû destpêkirin, bi koma 202’yan ket qonaxeke nû.
Merasîma dewrkirina nobetê li Saziya Komîteya Malbatên Şehîdan bi deqeyek rêzgirtinê dest pê kir. Piştre li ser navê koma 201’ê, daxuyanî ji aliyê Dîcle Kara ve hate xwendin.
Di daxuyaniyê de şehîdên meha Gulanê bi rêzdarî hatin bîranîn û hat diyarkirin ku tecrîda li ser Rêber Apo berdewam dike. Hat destnîşankirin ku piştî navbereke du mehî hevdîtinek bi Rêber Apo re hatiye kirin, lê dewletê di vê mijarê de tu gav neavêtine û bêdengiya xwe diparêze.
Her wiha di daxuyaniyê de hat tekezkirin ku heta tecrîd bi dawî bibe û azadiya fîzîkî ya Rêber Apo pêk were, wê çalakî bê navber bidomin.
Piştî merasîmê, dirûşmeyên “Bijî Serok Apo”, “Bê Serok jiyan nabe” û “Ciwan fedayê Rêber Apo ne” hatin berzkirin.
