Daxuyaniya Federasyonê bi vî rengî ye:
“Têkoşîna me ya azadiyê ji destpêkê heya îro bi hezaran şehîdên xwe û bi xwîna wan lehengan rijandiye ku dikeve pêvajoyeke nû, gelek destanên qehremaniyê yên mohra xwe li dîrokê dane û lehengên wan destanan afirandiye.
Şervanên me yên azadiyê yên ji nav gelê me yê cefakar û fedakar derketine di nav şert û mercên herî zehmet de bêyî bikevin nav ti dudiliyekê bi derfetên pir kêm pêşketinên herî muezem ava kirin, derbên herî giran li dagirker û dijminan dan.
Yek ji wan şervan û fermandaran jî hevrêyê me yê ji çiyayê Kurmênc Deştî Amanos e. Qehreman û serkêş Deştî Amanos ji bo şoreşa Kurdistanê, Bakur û Rojhilatê Sûriyeyê bi berxwedan û têkoşîna xwe bû çirayeke timî rêya me rohnî dike.
Hevrê Deştî yê di berxwedana Kobanê de çend caran birîndar û û herî dawî her du lingên xwe fedayî xaka pîroz kir, divê gaziyekî Apoyî çawa tevbigere nîşanî me hemûyan dan.
Li ser vî esasî em hevrêyê xwe Deştî Amanos ê 6’ê Kanûna 2017’an di encama êrîşeke nemerd û bêbext de şehîd bû, di 8 salvegera şehadeta wî de bi rêzdarî bi bîr tînin.
Bêguman em xwedî Tevgereke şehîdan e. Erk û perwira me jî ew e, em girêdayî bîranîna şehîdan bin û wan bidin jiyandin. Tişta şehîdên pîroz ji me dixwazin jî ew e, em li ked û têkoşîna wan xwedî derkevin û bidin berdewamkirin. Em careke din dubare dikin û dibêjin, em ê li ser şopa şehîdên xwe yên bi rûmet pêvajoya Rêber Apo daye destpêkirin berdewam bikin û bi serketinê tacîdar bikin.
Weke gaziyên şer ên Bakur û Rojhilatê Sûriyeyê di şexsê hevrêyê xwe yê hêja Deştî Amanos de em tevahî şehîdên xwe bi bîr tînin. Em soz didin Rêber Apo, şehîdên azadiyê û gelên xwe heya dawiyê em ê têkoşîna xwe ya rûmetê berdewam bikin. Bi hêz û îradeya şehîdan em ê jiyaneke li ser esasê fikir û felsefeya Rêber Apo diyarî hemû mirovatiyê bikin.”
