Rewşa girtiyê nexweş Mehmet Şîrîn Çelîk ê ku ji ber pirsgirêkên tenduristiyê birin Girtîgeha Girtî ya Tîpa R ya Xarpêtê hîn jî girantir bûye. Hat hînbûn ku Çelîk di hucreya yek kesî de tê girtin û nikare pêdiviyên xwe yên jiyanî bi cih bîne û heta daxwaza wî ya avê jî di roja veguhastinê de nehatiye qebûlkirin û bersiva “Dema ku roja kantînê tê hûn dikarin bipirsin” hatiye dayîn.
Rewşa tenduristiyê ya Mehmet Şîrîn Çelîk (70) ku di 3’yê Tîrmehê de li Girtîgeha Girtî ya Ewlehiya Bilind a Hejmar 2 a Xarpêtê ku lê girtî ye, xwînrijiya mejî û her ku diçe xirabtir dibe. Piştî xwînrijiya mejî, Çelîk birin nexweşxaneyê û du rojan bi kelepçekirî di beşa lezgîn de ma. Piştî dermankirinê wî dîsa birin girtîgehê. Ji ber rewşa wî xirabtir bû û wî birin Girtîgeha Girtî ya Tîpa R a Xarpêtê. Çelîk pirsgirêkên dijî bi parêzerê xwe re parve kir û got, “Ode pir germ in, ez ji ber nexweşiyê xwe baş hîs nakim. Ji ber ku ez bi tena serê xwe me di hêla psîkolojîk ve jî baş nînim.”
Neşe Çelîk bertek nîşanî girtina bavê xwe da û pirsî: “Kesekî ku felca qismî heye çawa dikare di hucreyek yek kesî de pêdiviyên xwe bi cih bîne?”
Mehmet Şîrîn Çelîk di sala 1999’an de li Stenbolê hate girtin û cezayê hepsa heta hetayê lê hate birîn û 27 sal in di girtîgehê de ye. Piştî ket girtîgehê, demek kurt pirsgirêkên tenduristiyê destpê kirin û ji ber xwînrijiya mejiyê wî û damar girtî ne felca qismî derbas kir. Tevî pirsgirêkên wî yên tenduristiyê yên giran, ew hewl dide ku pêdiviyên xwe yên bingehîn bi cih bîne
‘TEVÎ NEXWEŞIYÊ NIKARE BÊ DERMANKIRIN’
Neşe Çelik destnîşan kir ku bavê wê ji ber temenê xwe demek dirêj e bi pirsgirêkên tenduristiyê re têdikoşe. Çelîk diyar kir ku bavê wî demek dirêj e bipirgirêkên tenduristiyê re rû bi rû ye û got ku bavê wî ji ber xwînrijiya mejî anjîografiyê derbas kiriye. Çelik wiha got, “Bê guman, çavkaniyên bavê di warê gihîştina lênêrîna tenduristiyê de sînordar in ji ber ku ew nikarin kontrolên ku ew dixwazin pêk bînin. Bi gotineke din, dermankirina pêwîst bi awayekî demkî û têrker nayê peyda kirin. Tenê nêzîkatiyek ji rêzê tê sepandin.”
‘HEWCEYÎ BI PÊVAJOYEKE DEM DIRÊJ A DERMANKIRINÊ HEYE’
Çelik bal kişand ser pirsgirêkên ku bavê wî pê re rû bi rû dimîne. Çelîk anî ziman ku bavê wî di girtîgeha tîpa R de rastî gelek binpêkirinan hatiye û daxwaza wî ya avê jî nehatiye qebûlkirin û wiha domand: “Nexweşiya wî niha giran e. Ji ber temenê wî, hewceyî bi pêvajoyek dermankirinê ya dem dirêj heye. Ev yek di girtîgehê de ne pêkan e. Wekî malbat, daxwaza me ya sereke ew 3 salên mayî li malê derbas bike.”
