Hevpeymaniya Hêzên Siyasî ya Rojhilatê Kurdistanê têkildarî çalakiyên çaremîn salvegera şoreşa “Jin Jiyan Azad” û greva giştî ya li Rojhilatê Kurdistanê daxuyaniyeke nivîskî weşand.
Daxuyaniya Hevpeymaniya Hêzên Siyasî ya Rojhilatê Kurdistanê bi vî rengî ye;
“Gelê serbilind û berxwedêr ê Kurdistanê!
Di çaremîn salvegera şehadeta Jîna Emînî de, ji bo bîranîna şehîdan û destkeftiyên tevgera ‘Jiyan Jiyan Azadî’, greva giştî ya 25’ê Hezîranê wekî bersivek biryardar bi serkeftî hate lidarxistin.
Greva giştî di demekê de pêk hat ku Komara Îslamî ya Îranê hemû şiyanên xwe yên leşkerî û ewlehiyê ji bo leşkerîkirina bajarên Kurdistanê û çêkirina zext û gefên cûr bi cûr li ser bazar û xelkê bikar anîbû. Lêbelê, îradeya xurt a gelê Kurd û helwesta berpirsiyar ya dikandar û bazarvanan, şikest bi desthilata rejîma Îranê da xwarin.
Hêjayî gotinê ye ku bi dehan partiyên siyasî, rêxistinên jinan û civaka sivîl li Kurdistan û Îranê piştgirî dane vê bangê. Tevlîbûna hinek girtiyên siyasî bi rêya grevên birçîbûnê jî dê ji bo xebata hevbeş û di têkoşîna me ya li dijî Komara Îslamî de di her derfet û cihî de nirxek girîng be.
Serkeftina vê têkoşîna sivîl nîşana asta bilind a berpirsiyariya civakî, hişmendiya siyasî, yekîtiya netewî û redkirina polîtîkayên tepeserkirin, cudakarî û darvekirinê yên ji aliyê gelê Kurd ve ye. Her wiha îspat dike ku hêzên siyasî û gelê Kurd ji hev nayên veqetandin. Ev têkiliya kûr ji bo berdewamiya têkoşînê û gavên pêşerojê sermayeyek mezin ya siyasî û civakî ye.
Hevpeymaniya Hêzên Siyasî ya Rojhilatê Kurdistanê, li gel rêzgirtina li berxwedana neteweya Kurd û spasiya gel ji bo yekitiya wan di lidarxistina greva 25’ê Hezîranê de, spasiya xwe ji hemî kesayetên siyasî, akademîsyen û bi taybetî partiyên siyasî yên Belûc, Tirk, Faris, Tirkmen û Ereb re diyar dike. Ev hevkarî û piştgiriya berfireh nîşana helwest û pêşengiya Kurdistanê li seranserê Îranê ye.”
Hêzên siyasî yên Kurdistanê jinûve tekez dikin ku ew ê her gav bi temsîlkirin û gihandina dengê daxwazên rewa yên civakê ,vê yekîtî û hevkariyê wekî garantiya serkeftinên pêşerojê dibînin ve, pabend bin.”
