Li Yewnanistanê jineke 54 salî, ji embriyoya beriya 22 salan qerisandibû zarokeke keç anî dinayayê. Kurê wê yê ji heman koma embriyo di sala 2004’an de ji dayik bûbû, sala 2025’an di 21 saliya xwe de ji ber qezaya trafîkê jiyana xwe ji dest dabû.
Jinekolog Konstantino Pantos ku li Klînîka Genesis a taybet a li Atînayê kar dike, roja Çarşemê daxuyaniyek da û anî ziman ku ev jidayikbûn ji bo Christina Rapti-Tzelepi xwedî wateyeke taybet e.
Li gorî Pantos, Rapti-Tzelepi di sala 2004’an de bi ceribandina transfera embriyo ya destpêkê de zarokekî mêr bi tenduristiyeke baş anîbû dinyayê. Lê belê kurê wê di Cotmeha 2025’an de gava 21 salî bû di qezaya trafîkê de jiyana xwe ji dest da.
JI HEMAN KOMA EMBRIYO
Rapti-Tzelepi piştî mirina kurê xwe xwest, ji heman embriyoyên hatibûn qerisandin yek bê transferkirin.
Transfer jî Kanûna par hate kirin û piştre ducanî bû. Jin a 54 salî roja Çarşemê zarokeke keç anî dinyayê.
Rapti-Tzelepi ji televîzyona dewletê ya Yewnanistanê ERT re axivî û hestên xwe bi van gotinan vegot, “Hem şîn hebû hem jî kêfxweşî. Lê belê vê sibehê dema ku min mûcîzeya xwe xist hembêza xwe, her tişt jê çû.”
