Li bajarên Qamişlo, Hesekê, Zirgan, Çilaxa, Girkê Legê, Tirbespiyê, Dirbêsiyê û Til Temirê yên herêma Cizîrê û bajarê Kobanê, bi wesîleya salvegera 34’an a şehadeta Bêrîtan (Gulnaz Karataş) merasîmên bîranînê hatin lidarxistin.
Bi pêşengiya Kongra Star li Qamişlo, Hesekê, Çilaxa û Zirganê merasîmên bîranînê hatin lidarxistin, endamên meclîsên malbatên şehîdan, nûnerên rêxistinên jinan û partiyên siyasî û gel beşdarî merasîman bûn.
Li Girkê Legê jî li avahiya Sendîkaya Karkeran a Rimêlan, li Tirbespiyê jî li salona PYD’ê, li Dirbêsiyê li Navenda Çand û Hunerê û li Til Temirê jî li salona Meclîsa Malbatên Şehîdan merasîm hatin lidarxistin. Di merasîman de beşdaran bal kişand ser îradeya şehîdan û soz dan ku têkoşîna wan bi serketinê tacîdar bikin.
Li Kobanê jî li Navenda PYD’ê merasîma bîranînê hate lidarxistin. Di merasîmê de beşdaran soz da ku xeyalên hemû şehîdan pêk bînin.
