Li gorî nûçeya Reutersê ku agahiyên xwe dispêre çar çavkaniyan, Washington di wê baweriyê de ye ku daxuyaniyên welatên Baltikê yên têkildarî Rûsyayê dikare rageşiyê zêdetir bike.
Li gorî nûçeyê, rayedarên Pentagonê peyam da hin welatên YE’yê ku Litvanya, Letonya û Estonya jî di nava wan de bû ku Rûsyayê “sor nekin.”
Tê gotin, Washingtonê xwestiye ku ji bo Rûsyayê ber bi maseya muzakereyê ve bikişîne bi zimanekî hîn hesas li hemberî Kremlinê bê bikaranîn û rêyên çareseriya dîplomatîk vekirî bêne hiştin. Her wiha tê gotin ku ev nêzîkatî dikare sivikkirina pêkanînên aboriyê yên li ser Rûsyayê û tawîzên gengaz ên ên ji bo kêmkirina zexta leşkerî ya li ser Ûkraynayê bixe rojevê.
Di nava welatên Ewropayê de li ser gefên Rûsyayê nirxandinên cuda hene. Elmanya balê dikişîne ser rîskên êrişa kujer û sabotajê ya ji aliyê Moskowê ve, servîsên îstîxbaratê yên welatên Baltik jî di wê baweriyê de ne ku îhtimala êrişa yekser a Rûsyayê ya li ser NATO’yê lawaz e. Serokwezîrê Estonyayê Kristen Michal dawiya meha Îlonê Pûtîn weke “pişkê asêbûyî” pênase kiribû.
Di mijara têkiliyên bi Rûsyayê re tê gotin ku di nava NATO û Yekîtiya Ewropayê de zehmetî heye ku helwesteke hevpar bê afirandin. Serokwezîrê Norwêcê Gahr Støre û Serokkomarê Finlandiyayê Alexander Stubb ku piştevanên nêz ên Ûkraynayê ne, vê hefteyê bi Vladimir Pûtîn re hevdîtin kiribûn ku ev yek jî li Ewropayê bûbû sedema nîqaşê.
