Endamê Meclisa Partiya Jiyana Azad ya Kurdistanê (PJAK) Rêwar Awdanan di hevpeyvînek bi Qenala BBC beşa Farisî re îdayên wergirtina çekan ji aliyê Emerîkayê ve red kir û nêzîkatiya PJAK’ê ya ji bo rewşê nirxand.
Rêwar Awdanan diyar kir ku PJAK di çarçoveya rêxistin û xweparastina rewa de li hemberî Komara Îslamî têkoşîn dikin û got: “Em naxwazin Kurdistan bibe qadeke ya şerê giştî. PJAK xwedî bernameyeke giştî ye ji bo hemû Îranê.”
Endamê PJAK’ê Rêbwar Adwanan têkildarî têkiliyên bi welatên derve re jî ev got: “Ti têkiliya me li gel saziyeke îstixbaratî nîne û em hewl didin diyalogê bi kesên ku dixwazin rejîma Îranê hilweşînin re çêbikin. Ev yek jî bi şertê ku civak navenda nîqaşê be, armanca me ya esasî parastina civakê ye.”
Rêbwar Adwanan li ser îdîayên ku hêzên Kurdî çekên Amerîka girtine jî ev nirxandin kir: “Me tu alîkarî, cûre çek û amarên leşkerî ji Amerîkayê wernegirtine. Hêzên me çek û amadekariyên ji bo projeya xwe heye û hêzên me amade ne. Gerîlayên PJAK’ê sûd ji hemû ew ezmûnên sed salên borî yên ji bo parastina gelê xwe, nasname, nav û xaka xwe wergirtine. Her wiha PJAK sûd ji wan çekan girtiye ku bi xwe çêkiriye.”
Endamê PJAK’ê bal kişand ser Hevpeymaniya Hêzên Siyasî ya Rojhilatê Kurdistanê ya Îranê û wiha domand: “Em dixwazin Hevpeymaniya Partiyên Kurdî bibe dengê Kurdan û hêzeke leşkerî ya Kurd ava bikin ku Kurdan ji xeteriyan biparêze.”
Herî dawî Rêbwar Adwanan diyar kir ku hebûna wan a li Başûrê Kurdistanê ne xeterî bû, têkoşîna wan a li dijî DAIŞ’ê vê yekê piştrast dike û got: “Li ku devera Kurdistanê êriş hebe, Kurd wê biçin wir û parastina gel bikin.”
