– Bûyerên piştî Banga Aştî û Civaka Demokratîk a Rêber Apo wê bêne şopandin.
– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên li dijî komploya navnetewî ya li hemberî Rêber Apo pêk hatibû dê bên şopandin.
– Şervana YPJ’ê Nalîn Nîdal diyar kir ku li hemberî êrîşên ku berdewamiya komploya navnetewî ne, hêzên YPG û YPJ’ê bi baweriya xwe ya bi Rêber Apo re li ser piyan mane û got: “Ev 15’ê Sibatê yê duyemîn e û em ê vê pûç bikin.”
– Eyşe Efendî bal kişand ser wê yekê ku komploya li ser Rêber Apo bi ser neketiye û destnîşan kir ku Rêber Apo yê ku dihat xwestin bi komployê were tunekirin, îro bi Şoreşa Rojava Kurd bi cîhanê dane naskirin.
– Siyasetmedarê Fransî Dylan Boutiflat ê ku ji Rojava vegeriya, diyar kir ku kiryarên hikûmeta El-Şara yên li qadê û sozên ku dane bi hev re nakok in û anî ziman ku naskirina statuya Rojava di qada navnetewî de elzem e.
– Şandeya Swîsreyê ya ku li Rojava lêkolîn pêk anî, vegeriya welatê xwe. Berdevka şandeyê Franziska Stier û Cîgirê Serokê JUSO’yê Julien Berthod bal kişandin ser êrîşan û banga gihandina alîkariya mirovî ya lezgîn û vekirina korîdora mirovî ji bo Kobanê kirin.
– Parlamentera Partiya Karker a Avusturalyayê Charishma Kaliyanda, êrîşên li ser Rojava bir rojeva Meclîsê û destnîşan kir ku raporên derbarê qetilkirina bi sedan sivîlan û revandina jin û zarokan de tên.
– Xebata qadê ya bi navê “Rewşa Jinê ya Hejariyê: Nexşeya Newekheviyê ya li Amedê” ku bi hevkariya Yekîtiya Şaredariyên Başûrê Rojhilat (GABB) û şaredariyan hatibû amadekirin, bi dawî bû.
