Reşat Ozdil ê ku di sala 1994’an de li Amedê hate binçavkirin û ji aliyê Dadgeha Ewlehiya Dewletê (DGM) ve cezayê heta bi hetayî lê hat birin, piştî 31 salan ji Girtîgeha Girtî ya Tîpa F’ê ya Hejmar 1’an a Tekîrdagê hat berdan.
Ozdîl ji aliyê Komeleya Alîkarî û Piştavaniya bi Malbatên Girtî û Hikûmxwaran re ya Marmarayê (MATUHAYDER) û xizmên xwe ve hate pêşwazîkirin.
Sedat Alçîçek ê ku di sala 2009’an de li navçeya Berwarî ya Sêrtê hate binçavkirin û girtin û çend saet beriya Ozdîl ji heman girtîgehê hate berdan jî di nava kesên pêşwazî li Ozdîl kirin de bû.
Ozdîl li pêşiya girtîgehê axaftineke kurt kir û wiha got: “Em kêfxweş in ku derketin. Lê aqil, ruh û dilê me hîna li hundir e. Kêfxweşiya me ya esas wê bi azadiya fîzîkî ya Rêber Apo re bibe. Îro têkoşîn derbasî qonaxekî nû bû.”
Lîjneya Çavdêrî û Îdareyê berdana Ozdîl ku di 12’ê Tîrmeha 2024’an de bi dawî bû, taloq kiribû.
