Li Wargeha Mexmûrê şoreşger û hunermenda Tevgera Azadiya Kurdistanê Şehîd Hozan Mizgîn (Gurbet Aydin) bi merasîmekê hat bibîranîn.
Li Wargeha Penaberan a Şehîd Rûstem Cûdî (Mexmûr) şoreşger û hunermenda Tevgera Azadiya Kurdistanê Şehîd Mizgîn (Gurbet Aydin) ku di 11’yê Gulana 1992’an de li Tetwanê tevlî karwanê şehîdên Tevgera Azadiya Kurdistanê bû, bi merasîmekê hat bibîranîn.
Merasîma bîranînê li Saziya Malbatên Şehîdan a Mexmûrê bi amadebûn gel bi deqeyek rêzgirtin destpê kir. Piştî rêzgirtin Endama Koordinasyona Meclisa Îştar Leyla Arzu îlhan axivî.
Leyla Arzu Îlhan di destpêka axaftinên xwe de di kesayeta Şehîd Mizgîn û Şehîd Hakkî Karer de hemû şehîdên doza azadiyê bibîranî û wiha got: “Ger îro hebûna me di nava gelên Rojhilata Navîn de hatibe mîsogerkirin, ev bi saya şehîdên me ye. Rêxistin me li ser keda şehîdan xwe gihand roja îro. Em niha jî li ser mîrasê şehîdan têkoşînê birêve dibin. Yek ji wan şehîdan jî hevala Şehîd Mizgîne ku di aliyê ziman, çand û şoreşgeriya Kurdî de gelek ked daye. Rêbertî ji bo hevala Mizgîn dibêje; ‘Kesa ku bi ruhê PKK’î jidil dijî ye’. Hevala Mizgîn di salên Kurd bûn wek şermekê dihat dîtin de bi stran û hunera xwe bi hezaran ciwan beşdarî nava refên têkoşînê kir.”
Layla Arzu Îlhan bi van gotinan axaftina xwe bi dawî kir: “Hevala Mizgîn wek Fermandar Jin li Bakurê Kurdistanê têkoşîna xwe di asta herî jor de meşand. Partiya PKK’ê netenê yek alî belku di hemû aliyên cîvakî û çandî de pêşengtî ji civakê re kir. Heval Mizgîn ji yek ji wan mînaka bû.”
Di merasîma bîranînê de gelek caran dirûşmeyên ‘Şehîd Namirin’ û ‘Bijî Serok Apo’ hatin bilindkirin û merasîm herî dawî bi stranên endamên Stêra Zêrîn û Tev Çandê bidawî bû.
