Li gorî agahiyên di medya Rojhilatê Kurdistanê de ji Rêveberiya Navenda Agirkujî û Hawarçûna ya Bokanê wergirtî û hatî ragihandin, di Roja Karkerên Cîhanê de du karker ji ber nebûna ewlehiya kar bûn qurbanî.
Hate diyarkirinê ku li kolana Mewlawî ya li Bokanê di dema xirabkirina avahiyekê de banê avahiyê bi ser karkeran de hatiye û di encamê de kesek 48 salî jiyana xwe ji dest da û karkerekî din û welatiyek sivîl birîndar bûn. Birîndar rakirin nexweşxaneyê.
Li gorî heman agahiyan ku sedema sereke ya karesatê, nebûna mercên ewlehiya kar ya li cihên kar bû.
Li gorî rapora Roja Karkerên Cîhanê ku ji aliyê Navenda Îstatîstîk û Weşanên Komeleya Çalakvanên Mafên Mirovan ya li Îranê ve hatiye weşandin, di nav salekê de herî kêm 5 hezar û 19 karker di encama qezayên kar de jiyana xwe ji dest dane an jî birîndar bûne.
Hêjayî bibîrxistinê ye ku piraniya karkerên Îran û Rojhilatê Kurdistanê di mercên gelek xirab de, bêyî ewlehiya pîşeyî û sîgortaya guncaw kar dikin.
