Di daxuyaniya Hevserokatiya Konseya Rêveber a KCK’ê de ev tişt hatin diyarkirin:
“Di meha Gulanê de gelek şoreşger şehîd bûne, ev meha şehîdan e. Di rojên ewilî yên meha Gulanê de gelek şoreşgerên hêja şehîd bûne. Di şexsê şoreşgerên meha Gulanê şehîd bûne de, em hemû şehîdan bi minet û rêzdarî bi bîr tînin.
2’yê Gulana 1982’yan ji damezrînerên partiya me, ji fermandarên konseya me ya destpêkê ya leşkerî yê fermandarî ji têkoşîna çekdarî re kirî Mehmet Karasungur û milîtanê PKK’ê Îbrahîm Bîlgîn şehîd bûne. Mehmet Karasungur yek ji kadroyên destpêkê ye ku li Bîngolê tevlî Tevgera Apoyî bû. Dema ku mamostetî dikir, tevlî tevgera Apoyî bû. Bûye yek ji pêşengên têkoşîna leşkerî ya beriya 1980’an; li ser teoriya leşkerî lêhêrbûn kir û ji bo pêşxistina têkoşîna gerîla ya li Kurdistanê, hewldaneke cidî raber kiriye. Di pêvajoya şerê Îran-Iraq de li qadên Îran û Iraqê xebitî û ji bo têkoşîna gerîla xebatên amadekariya civakî, siyasî û leşkerî meşandiye.
Weke yek ji endamên Komîteya Navendî ya destpêkê ya PKK’ê, xebatên ji bo rêxistinkirin û pêşxistina partiyê heta roja şehadeta xwe domandiye. Fikrê ku li Kurdistanê encex bi têkoşîna gerîla wê pêşketin çêbibe, bi saya tevkariyên mezin ên Mamoste Mehmet bi bandor bûye. Li Rojhilat û Başûrê Kurdistanê di xebatên meşandî de, li ser yekîtiya neteweyî û tifaqên siyasî sekinî ye; dema di nava van xebatan de şehîd bû. Yek ji kadroyên destpêkê yê Partiya me hevrê Mehmet Karasungur weke endamê komîteya navendî û fermandarê leşkerî, ji bo pêşketina têkoşîna me kedek mezin raber kiriye. Bi rola ku di nava têkoşîna Tevgera Azadiyê de lîstiye, wê ji vir û şûnde jî di têkoşîna me de bijî û rê nîşan bide.
Dema ku Tevgera me li Enqereyê, hevalê me Îbrahîm Bîlgîn ji Tûzlûçayirê beşdar bû ku yek ji wan cihan e tevgera me cara ewilî lê pêş ketiye. Îbrahîm Bîlgîn jî li Tûzlûçayirê yek ji ciwanan e ku bi saya hevrê Riza Altûn beşdar bû. Hevrêyê me Îbrahîm Bîlgîn li Tûzlûçayirê beşdarî têkoşîna me bû, derbasî saha Rêber Apo bû, hem li wê qadê hem jî li Kurdistanê bi rengekî aktîf beşdarî xebatan bû. Hevrê Îbrahîm Bîlgîn jî ji bo têkoşîna me ya azadiyê derkeve ser dika dîrokê bi rola xwe rabû, ew ê her tim di têkoşîna me ya azadiyê de were bîranîn.
Hevrê Azad Sîser ê ku di 2’yê Gulana 2016’an de tevî hevalên li gel xwe li Amedê şehîd bû, yek ji fermandarê herî girîng ê artêşa gerîla bû. Hevrê Azad Sîser ê ku ji Êlihê beşdarî tevgera me bû û li gelek deverên Kurdistanê fermandarî kiriye, tevkariyeke mezin ji bo pêşxistina têkoşîna me ya gerîla kir. Li ser bingeha nûnertiyek rast a ji bo PKK’ê, hevrêyê me ji bo xurtkirina avaniya rêxistinî û pêşxistina bandora siyasî xwedî rolek mezin bû. Dema ku wekî fermandarê Eyaleta Amedê bû, di pevçûnekê de şehîd bû. Di serî de gelê Êlih û Amedê hemû gelên Kurdistanê, dê tu carî hevrê Azad Sîser ji bîr nekin. Bi hebûna ewladên fedaî yên wekî Azad Sîser, gelê Kurd bê guman dê bigihêje jiyaneke azad û demokratîk.
Hevrêyê me yê welatparêz û şoreşger demokrat Sirri Sureyya Onder, dema ku di têkoşîna aştî û civaka demokratîk de erka xwe pêk dianî, şehîd bû. Sirri Sureyya Onder şehîdekî mezin ê aştî û demokrasiyê ye. Wî tevkariyên xurt li têkoşîna demokrasî û azadiya gelên Tirkiyeyê kir. Ew yek ji wan kesan bû ku herî bêhtir beşdarî hewldanên aştî û çareseriya demokratîk ên li Îmraliyê bû. Ew demokratekî şoreşger bû ku bi kevneşopiya malbatê ya demokratên çepgir a Semsûrê temsîl dikir. Wek ewladê gelê Tirk, ji bo parastina xwişk-biratiya gelan kedeke mezin raber kir. Sirri Sureyya Onder di pêşxistina hesta xwişk-biratiyê ya di nav gelên Tirkiyeyê de jî xwedî roleke mezin bû.
Hevrêyê me Sirri Sureyya Onder, bawer dikir ku ger pirsgirêka Kurd çareser bibe, Tirkiye dê demokratîktir bibe û ji bo vê armancê têkoşîn kir. Gelê Kurd ji dil ji hevrê Sirri Sureyya hez dikir û hevrê Sirri Sureyya jî ji dil ji gelê Kurd hez dikir! Bi van hestan, tevî ku pirsgirêkên tenduristiyê yên cidî dijiyan jî, wî bi hemû hêza xwe ji bo serketina projeya aştî û civaka demokratîk a bi pêşengiya Rêber Apo, xebitî. Tevgera me û gelê me wê têkoşîna ku wî li ser bingeha azadiya gelê Kurd meşand tu carî ji bîr neke û ew ê ji bo pêkanîna xeyalên wî erka xwe pêk bîne.
Gel û civak çiqas kesayetên ji bo azadiyê û demokrasiyê têkoşîn kirine bibîr bînin û ji bo pêkanîna xeyalên wan têbikoş in, dikarin bi ser bikevin û bigihên armancên xwe.
Soza pêkanîna xeyalên şehîdan a ku me daye, em dubare dikin. Têkoşîna wan wê ji bo serketina têkoşîna me ya azadî û demokrasiyê, teqez heta dawiyê were domandin.”
