Çalakî bi dirûşma “Em nikarin debara xwe bikin, em di grevê de ne” hatin lidarxistin, di serî de Enqere, li Şirnex, Wan, Amed, Riha, Êlih, Dersim, Edene, Antalya, Hatay û Mersînê bi daxuyaniyên çapemeniyê yên girseyî dewam kir.
Endamên KESK’ê li Enqereyê ji ber Pirtûkxaneya Mîllî heta bi Wezareta Kar û Ewlekariya Civakî meşiyan û dirûşmên “Bila yekser zemeke din bê kirin”, “Budçe ji bo kedkaran ne ji bo sermayeyê” û “Em ê teslîmî xizaniyê nebin” qîriyan.
Hevseroka Giştî ya KESK’ê Ayfer Koçak li vir axivî û anî ziman ku Saziya Statîstîkan a Tirkiyeyê (TUIK) enflasyona rasteqîn vedişêre, zema li mûçeyan jî li pêşberî bihabûna jiyanê bi lez heliya ye. Ayfer Koçak diyar kir ku Tirkiye di rêza enflasyonê ya cîhanê de di rêzên destpêkê de ye, li gel vê yekê jî kedkarên cemaweriyê li xizaniyê têne mehkûmkirin.
KESK’ê xwest, ji edî 20 mûçeyê karmendan ji meha Çileyê û pê ve bê zêdekirin.
Li gelek bajaran jî daxuyanî hate dayin û heman daxwaz hatin bilêvkirin. Li Şirnex, Wan, Amed, Riha, Êlih û Dersimê kedkaran dirûşmên “Budçe ji bo kedkaran ne ji bo şer”, “Mûçe ji bo jiyaneke mirovane” û “Grev maf e” qîriyan. Li Edene, Antalya, Hatay û Mersînê jî endamên KESK’ê meşiyan, daxuyanî dan û nerazîbûn nîşanî daneyên sexte yên enflasyonê û xizaniyê dan.
