Li paytexta Meksîka Mexico Cityê bi hezaran mamosteyan rêya bingehîn a ber bi Stadyûma Aztekê girtin ku wê merasîma vekirinê û maça destpêkê ya Kûpa Cîhanê lê pêk were.
Çalakiya şermezarkirinê ji aliyê baskê muxalîf ê sendîkaya CNTE ve hate lidarxistin. Çalakî ji hefteya derbasbûyî û vir ve dewam dikin. Xwepêşandêr dixwazin mûçeyê wan bê zêdekirin û qanûna li ser sîstema teqawîtiyê ya cihê nîqaşê ji holê bê rakriin.
Hikumeta Meksîkayê jî îdîa dike ku daxwazên navborî di nava şert û mercên heyî yên aboriyê de nikare bi cih bê anîn.
Rayedaran beriya vekirina Kûpa Cîhanê bi hezaran polîs li derdora stadyûmê bi cih kirin. Ji bo pêşveçûna xwepêşandêran bê astengkirin bendên ji beton li ser rê hate danîn.
Hate ragihandin ku li gel xwepêşandanên şermezarkirinê yên mamosteyan jî heta niha di navbera çalakgeran û hêzên ewlekariyê de şerekî berfireh neqewimî ye.
Xwepêşandêran her wiha li Qada Zocalo ya li Mexico City kampek ava kir. Mamosteyan ji bo roja Pêncşemê jî ku roja destpêkirina Kûpa Cîhanê ye banga xwepêşandaneke nû ya girseyî kirin.
