Efserê Hêzên Ewlekariya Hundirîn Ferhan Mihemed Salih Şukrî ê 18`ê Îlonê ji ber nexweşiyeke giran şehîd bû bi merasîmekê li Pakrewangeha Şehîd Dilşêr a li gundê Dugirê yê Tirbespiyê hat oxirkirin. Bi sedan şêniyên bajarê Tirbespiyê bi hemû pêkhateyên wê; Kurd, Ereb û Suryan beşdarî merasîma cenazeyê bûn. Merasîm bi deqeyek rêzgirtinê dest pê kir. Piştre, endamê Meclisa Malbatên Şehîdan a Tirbespiyê Mihemed Zekî Îbrahîm axivî û got, “Bi saya şehîdên me, îro em di ewlehî û aştiyê de dijîn û bi saya xwîna hemû pêkhateyên me, em bûne hêzek ku dikare gel û welatê xwe biparêze. “
Îbrahîm wiha dewam kir, “Em îro li vir kom bûne da ku ji tevahiya cîhanê re diyar bikin ku me tiştê herî hêja feda kiriye û em amade ne bêtir berdêlan bidin da bi azadî û rûmet bijîn.”
Hevserokê Desteya Hundirîn a Kantona Cizîrê Şêrwan Mihemed jî axivî û diyar kir ku Hêzên Ewlekariya Hundirîn ên Bakur û Rojhilatê Sûriyeyê bi ked û fedakriya kesên mîn şehîd Ferhan hatiye damezrandin û got: “Van şehîdan ji bo ewlehî û aştiyê di navbera gelên herêmê de fedakariyên mezin kirin.”
Mihemed diyar kir ku kombûna îro ya pêkhateyan li pakrewangehê peyamek zelal ji bo hemû kesên ku dixwazin Rêveberiya Xweser an hêzên wê yên leşkerî lawaz bikin.
Piştî axaftinan nasnameya şehîd hat xwendin û radestî malbata wî hat kirin.
Cenazeyê şehîd bi dirûşma “şehîd namirin” spart axê.
