Li Wargeha Penaberan a Şehîd Rustem Cûdî nobeta di 20’ê Tîrmeha 2023’yan de ji bo azadiya fîzîkî ya Rêber Apo hatiye destpêkirin, di roja 1055’an de bi koma 203’an de bi biryardariyek xurt didome.
Merasîma dewrgirtina çalakiya nobetê ku li navenda Saziya Malbatên Şehîdan a Mexmûrê lidar ket de endam û rêveberên saziyên civakî û gelek welatiyên wargehê amade bûn.
Piştî deqeyek rêzgirtin daxuyaniyek hat dayîn. Daxuyanî ji aliyê Nêrgiz Bulut ve hat xwendin.
Di daxuyaniyê de hate destnîşan kirin ku Rêber Apo 27 salin li Girava Îmraliyê dîl girtî ye û hate diyarkirin ku dewleta Tirk hemû zagonên navnetewî binpê dike.
Di berdewamiya daxuyaniyê de bal li ser mafê hêviyê hate kişandin û hate diyarkirin ku ev maf ji bo her dîlgirtiyî derbasdare, lê heya niha dewleta Tirk di vê mijarê de gav ne avêtiye, lewma rewşa li giravê her diçe girantir dibe.
Di dewama daxuyaniyê de wiha hate gotin; “Ev dijîtiya li hember Rêber Apo ya li ber çavê cîhanê pêwîste neyê qebûlkirin.
Di vê wateyê de wek xelkê Wargeha Şehîd Rûstem Cudî, ev zêdetirî 3 salin me çalakiya nobetê daye destpêkirin. Armanca vê çalakiyê azadiya fizîkî ya Rêber Apo ye. Divê ev bê mafîtî û helwesta bê qanûnî ya li dijî Rêbertiya me, di demek zûtirîn de bê rakirin û azadiya Rêbertî pêk were. Çalakiya me wê ji niha şûn de jî bi vê boneyê bê berdewam kirin.
