Rûniştina doza ku rojnamevan Bêrîtan Canozer di sala 2015’an de di berxwedana xwerêveberiyê ya navçeya Sûrê ya Amedê de ji ber parvekirinên wê yên medyaya civakî ji nû ve dihat darizandin, li 4’emîn Dadgeha Cezayê Giran a Amedê hat dîtin. Parêzerê wê Muharrem Erbey beşdarî rûniştinê bû.
Parêzer Erbey, diyar kir ku li welêt karê rojnamevaniyê sûc tê dîtin û rojnamevanên ku nûçeyên rexneyî çêdikin tên darizandin û xwest muwekîla wî beraet bike.
Lê belê dadgehê biryar da ku rojnamevan Bêrîtan Canozer salek û 3 meh bikeve girtîgehê.
